riklam

قوباد تاڵەبانی پڕۆژەی یەکتربڕی باخی بەختیاری کردەوە

کوردستان 11:33 AM - 2024-06-08
کردنەوەی پڕۆژەی یەکتربڕی باخی بەختیاری لەلایەن قوباد تاڵەبانی-ەوە سەرۆکایەتی شارەوانی سلێمانی

کردنەوەی پڕۆژەی یەکتربڕی باخی بەختیاری لەلایەن قوباد تاڵەبانی-ەوە

قوباد تاڵەبانی جێگری سەرۆکی ئەنجومەنی وەزیران ئەمڕۆ شەممە 8ـی 6ـی 2024 بە ئامادەبوونی لەیلا عەلی سەرۆکی شارەوانی سلێمانی پڕۆژەی یەکتربڕی بەردەم باخی بەختیاری کردەوە کە بە گوژمەی نزیکەی 13 ملیار دینار کەوتبووە بواری جێبەجێکردنەوە.

 

قوباد تاڵەبانی: پێنج پڕۆژەی دیکە لە سلێمانی دەکرێنەوە

قوباد تاڵەبانی جێگری سەرۆکی ئەنجومەنی وەزیران لە کاتی کردنەوەی پڕۆژەکەدا بۆ کەناڵەکانی راگەیاندن، رایگەیاند: "دەستخۆشی لە سەرۆکایەتی شارەوانی سلێمانی و کۆمپانیای گەرمیان دەکەم بۆ جێبەجێکردنی ئەم پڕۆژە ناوازەیە، چونکە بەشێکی زۆری گرفتی هاتووچۆ لەم سنوورە کە دەروازەی شارە چارەسەر دەکات".

"لە داهاتوودا پێنج پڕۆژەی هاوشێوەی پڕۆژەی یەکتربڕ و ئەندەرپاسی بەردەم باخی بەختیاری لە پارێزگای سلێمانی دەکرێنەوە، بەمەش سلێمانی دەبێتە شارێکی پێشکەوتوو لە سیستمی هاتووچۆدا لە عیراق، هاوکات پڕۆژەکانی وەبەرهێنان لە پارێزگای سلێمانی لە ئاستێکی زۆرباش دایە، لەو چوارچێوەیەشدا لە ساڵی 2023 دا سلێمانی یەکەمی پارێزگاکانی عیراق بووە لە وەبەرهێناندا بەتایبەت دوای ئەوەی چەند کۆبوونەوەیەکمان لەگەڵ فەرمانگە حکومییەکانی پارێزگاکە کرد بۆ کەمکردنەوەی رۆتین و راییکردنی کاری وەبەرهێنەران کە بێگومان ئەم هەنگاوە قەزا و ناحییەکانیش دەگرێتەوە"، قوباد تاڵەبانی وای وت.

 

پڕۆژەکە بەشیک لە کێشەی هاتووچۆ چارەسەر دەکات

ئەم پرۆژەیە یەکێکە لە پرۆژە گرنگەکانی شاری سلێمانی کە لەلایەن سەرۆکایەتی شارەوانی سلێمانییەوە سەرپەرشتی کرا، قۆناغ بەقۆناغی پرۆژەکە بەشێوەیەکی ئەندازیاری لەلایەن کۆمپانیای دەروازەی گەرمیان دڵی شار جێبەجێکرا، کە بە تەواوبوونی پرۆژەکە کێشەی ترافیک و قەرەباڵغی دەرەوازەی شاری سلێمانی بە ڕێژەیەکی بەرچاو کەم دەکاتەوە.

پڕۆژەکە رۆژی 30ـی 8ـی 2022، بە گوژمەی 12 ملیار و 500 ملیۆن دینار بە پشتگیری و پاڵپشتی قوباد تاڵەبانی جێگری سەرۆکی حکومەتی هەرێمی کوردستان کەوتە بواری جێبەجێکردنەوە و ئەمڕۆش 8ـی 6ـی 2024  پڕۆژەکە بەڕووی شۆفێراندا کرایەوە.
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket