riklam

کادیرێکی یەکێتی کاندیدی ئەنجومەنی شارێکی ئەڵمانیایە

جیهان 11:04 AM - 2024-06-06
ساڵح شاخەوان تایبەت

ساڵح شاخەوان

یەکێتی

9ی ئەم مانگە وادەی هەڵبژاردنی پەرلەمانی ئەوروپایە، هەمان کات لە چەند هەرێم وشاریکیش لەئەڵمانیا هەرلەم رۆژە هەڵبژاردنی ئەنجومەنی شارەوانیەکان ئەنجام دەدرێت، لە هەرێمی Pfalz-Rheinland و بۆ ئەنجومەنی شاری Ludwigshafen کوردێکی باشوری کوردستان بەناوی " ساڵح شاخەوان" کە کادیرێکی دڵسۆزی رێکخستنەکانی یەکێتیی نیشتیمانیی کوردستانە لەئەڵمانیا لەسەر لیستی پارتی چەپ Die Linke خۆی کاندید کردوەو رێزبەندی ژمارەی 3 ی وەرگرتوە، دەیەوێت لەم رێگەیەوە خزمتێک بەرەوەندی کوردی شارەکە بکات.

 

بۆئەم خولەی هەڵبژاردنەکان کە 10 حزب لەرکابەرێتی یەکتردان بۆ بەدەست هێنانی 60 کورسی ئەنجومەنی شارەوانیەکان، دی لینکەش پارتێکی چەپی عەلمانی سۆسیالیستەو لەساڵی 2007 لەئەنجامی یەکگرتنی دوو پارتی تر دروست بوە، لەم خولەی پەرلەماندا لەکۆی 709 کورسی، فراکسیۆنێکی 69 کورسیان هەیەو لەناو پەرلەمانی هەموو هەرێمەکانیش فراکسیۆنیان هەیە، لە شاری برێمن لە هاوپەیمانێتی کابینەی حکومەتی هەرێمەکەش بەشدارن، لەرێزبەندی پێنجەمی پارتەسیاسیەکانی ئەڵمانیایە لە گەورەیی وکاریگەریدا، خۆیان بەدۆستی میللەتە چەوساوەو زۆرلێکراوەکانی جیهان دەزانن ، لەوانەش بایەخ بە کێشەی گەلی کورد لەپارچەکانی کوردستان دەدەن، بۆ یە بۆ روەندی کوردی سەرنجڕاکێشن ، هەموو خولەکان کاندیدی کوردیان هەیە بۆ هەڵبژاردنەکان.

ساڵح شاخەوان ناسراو بە"حەمەی نەبەرد" لەساڵی 1978 لە شاری سلێمانی لەدایکبوەو ماوەی 28 ساڵە لەشاری "لودڤیکس هافن" ی ئەڵمانیا دەژی ، کەسایەتیەکی نیشتیمانپەروەرو دڵسۆزو بەهەڵوێستە ، هەمیشە کاری چاکەو خێر خوازی بۆ ڕەوەندی کوردی شارەکەو دەوروبەری دەکات، ئێستا لەبواری خزمەتی پەنابەران لە هاوکاری میللەتەبیگانەکان Ausländerbeirat خۆبەخشانە کاردەکات هەر بۆیەش دەیەوێت لەناو ئەنجومەنی شارەکەیدا خزمەتی زیاتر بکات، پارتی چەپیش وەک کەسایەتیەکی چالاک بۆ بواری دادپەروەری کۆمەڵایەتی für Soziale Gerechtikeit دەستنیشانیان کردووە.

 

PUKMEDIA-بورهان ئەمین

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket