مەکتەبی سکرتارییەت: یەکێتی بە شکۆوە لە مێژووی تێکۆشەرانی دەڕوانێت

PUKMEDIA

سەردانی وەفدێکی مەکتەبی سکرتارییەت بۆلای هەڤاڵ نامیق نۆرکی

ئەمڕۆ چوارشەممە ٢٠٢٤/٥/٢٢، لەسەر راسپاردەی بافڵ جەلال تاڵەبانی سەرۆکی یەکێتیی نیشتمانیی کوردستان، قوباد تاڵەبانی لێپرسراوی مەکتەبی سکرتارییەتی سەرۆک مام جەلال، مەکتەبی سکرتارییەت لە سلێمانی سەردانی تێکۆشەر و پێشمەرگەی دێرین هەڤاڵ نامیق تۆفیق سەعید ناسراو بە (نامیق نۆرکی) یان کرد  .

لەو سەردانەدا مەکتەبی سکرتارییەتی سەرۆک مام جەلال لە نزیکەوە لەتەندروستی هەڤاڵ نامیق نۆرکی یان پرسی کە لە ماوەی رابردوو توشی رووداوی هاتووچۆ ببوون هیوای سەلامەتی هەمیشەییان بۆ خواستن .

هەر لەو سەردانەدا مەکتەبی سکرتارییەت بە پێزانیینەوە مێژووی پاکی هەڤاڵ نامیق نۆرکی یان بەرز نرخاند  لە خەباتی چەکداری و شۆڕشی نوێی گەلەکەمان رۆڵی دیاروبەرچاو بووە؛ تەئکیدشیانکردەوە یەکێتیی نیشتمانیی کوردستان بە شکۆوە لە مێژووی هەموو ئەو تێکۆشەرانە دەڕوانێ کە ڕۆژگارێک شۆڕە سواری خەبات بوون و لە ڕیزەکانی یەکێتیی نیشتمانیی و گەلی کورد خەبات یانکرد.

لەبەرامبەردا هەڤاڵ نامیق نۆرکی جەختی کردەوە هەمیشە پێشمەرگەی کورد و یەکێتی دەبێت و درێژە بە کاروانی خزمەتەکانی دەدات و هەروەها سوپاسی  مەکتەبی سکرتارییەتی کرد بۆ ئەم سەردان و بەسەرکردنەوانە و خزمەتکردنی تێکۆشەرەکانیشی بە وەفا و پابەندبوون بە رێبازەکەیانەوە لەقەڵەم دا .
PUKMEDIA