riklam

قوباد تاڵەبانی: ئێستا یەکێتی سیاسەتێکی روونی هەیە

کوردستان 06:12 PM - 2024-05-19
قوباد تاڵەبانی و زیاد جەبار نوسینگەی رۆژنامەوانی قوباد تاڵەبانی

قوباد تاڵەبانی و زیاد جەبار

قوباد تاڵەبانی

قوباد تاڵەبانی لەگەڵ کادرانی ژنانی  مەڵبەندی رێکخستنی سلێمانی کۆبووەوە

قوباد تاڵەبانی لێپرسراوی مەکتەبی سکرتارییەتی سەرۆک مام جەلال، لە هۆڵی شەهید ئارام لەگەڵ کادرانی ژنی مەڵبەندی رێکخستنی سلێمانی کۆبووەوە و رایگەیاند: هیچ هێزێک وەک یەکێتی داکۆکیکاری مافەکانی ژنان نەبووە.

لە سەرەتای کۆبوونەوەکەدا کە ئەمڕۆ یەک شەممە ١٩ی٥ بە ئامادەبوونی زیاد جەبار لێپرسراوی مەڵبەند ئەنجامدرا، ئاماژەی بەوەکرد:" لە ماوەی ١٥ ساڵی رابردوودا یەکێتی بە دۆخێکی زۆر سەختدا  تێپەڕبوو و زۆر زەبری قورسی بەرکەوت، بەڵام ئێستا و بە تایبەتیش لە دوای کۆنگرەی پێنجەمەوە بە سەرۆکایەتی سەرۆک بافڵ و بە هەڵبژاردنی سەرکردایەتییەکی نوێ و هەروەها بە نوێکردنەوەی ئۆرگان و رێکخستنەکانەوە پێی ناوەتە قۆناغێکی نوێوە و کادر و جەماوەری یەکێتی و خەلکی کوردستان رۆژانە هەستی پێ دەکەن کە پێگەی یەکێتی رۆژ لە دوای رۆژ لەسەر ئاستی ناوخۆ و عێراق و ناوچەکەشدا بەهێزتر دەبێت". 

 وتیشی: "یەکێتی ئێستا بووەتە ئەو هێزێک کە سیاسەتێکی روونی هەیە و هیوای بۆ بەشێکی گەورەی کۆمەڵگا گەڕاندوەتەوە کە تەنها هێزێکە دەتوانێت گۆڕانکاری دروست بکات".

لێپرسراوی مەکتەبی سکرتارییەتی سەرۆک مام جەلال لە بەشێکی دیکەی کۆبوونەوەکەدا باسی هەڵبژاردنەکانی پەرلەمانی کوردستانی کرد و رایگەیاند:"هەڵبژاردن هەر دەبێت بکرێت و یەکێتی ئامادەیە پشتبەست بە سیاسەتی روون و بە کادر و جەماوەرە دڵسۆزەکەی سەرکەوتنی گەورە تۆمار بکات".

داواشیکرد کادرانی ژن زیاتر لە جاران خۆیان ماندوو بکەن و روئیا و سیاسەتی یەکێتی لە بوارە جیاوازەکاندا و بە تایبەتیش سەبارەت بە پرسی ژن بۆ ژنانی کوردستان ڕوون بکەنەوە، چونکە لە راستیدا هیچ هێزێک وەک یەکێتی نەیتوانیوە و ناشتوانێت داکۆکیکاری مافەکانی ژنان بێت.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket