سه‌رۆك بافڵ: هه‌ڵبژاردن هه‌نگاوێكی گرنگه‌ بۆ گۆڕ‌انكاری له‌حوكمڕ‌انی

راگەیاندنی سەرۆک بافڵ

سەرۆکی یەکێتی و یاریده‌ده‌ری جۆ بایدن

بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان له‌ واشنتن له‌گه‌ڵ فیلیپ گۆردن، یاریده‌ده‌ری جۆ بایدن سه‌رۆكی ئه‌مریكا و راوێژكاری ئاسایشی نیشتمانیی كامالا هاریس، جێگری سه‌رۆكی ئه‌مریكا كۆبووه‌وه‌.

له‌كۆبوونه‌وه‌كه‌دا دۆخی سیاسی و ئه‌منیی هه‌رێمی كوردستان و عیراق و پرسی هه‌ڵبژاردن گفتوگۆیان له‌باره‌وه‌كراو سه‌رۆك بافڵ جه‌ختی له‌ئه‌نجامدانی هه‌ڵبژاردنێكی بێگه‌رد له‌كاتی دیاریكراوی خۆی و لابردنی به‌ربه‌سته‌كانی به‌رده‌م پرۆسه‌كه‌ كردو وتی:"هه‌نگاوێكی گرنگه‌ به‌ ئاڕ‌استه‌ی گۆڕ‌انكاری له‌ حوكمڕ‌انی و گه‌شه‌كردنی دیموكراسی له‌ ناوچه‌كه‌".

له‌باره‌ی رووبه‌ڕ‌ووبوونه‌وه‌ی تیرۆریشه‌وه‌ سه‌رۆك بافڵ رایگه‌یاند:" مه‌ترسییه‌كانی تیرۆر به‌رده‌وامه‌ و جه‌خت له‌هه‌ماهه‌نگیی نێوان هێزی پێشمه‌رگه‌، هێزه‌ ئه‌منییه‌كانی عیراق و هاوپه‌یمانیی نێوده‌وڵه‌تی ده‌كه‌ینه‌وه‌ بۆ زاڵبوون به‌سه‌ر ئاڵنگارییه‌ ئه‌منییه‌كان."

له‌به‌رامبه‌ردا فیلیپ گۆردن باسی له‌گرنگی به‌ڕ‌ێوه‌چوونی هه‌ڵبژاردنێكی ئازاد و دادپه‌روه‌رانه‌ له‌واده‌ی دیاریكراوی خۆیدا كرده‌وه‌ و وتیشی، پێویسته‌ سه‌قامگیریی سیاسیی هه‌رێمی كوردستان و عیراق پارێزراوبێت و هه‌وڵه‌كان له‌و چوارچێوه‌یه‌دا بێت.

PUKMEDIA