riklam

قوباد تاڵەبانی سەردانی مەڵبەندی ٩ی شارەزووری کرد

ی ن ک 02:21 PM - 2024-05-13
سەردانی قوباد تاڵەبانی بۆ مەڵبەندی ٩ی شارەزوور راگەیاندنی قوباد تاڵەبانی

سەردانی قوباد تاڵەبانی بۆ مەڵبەندی ٩ی شارەزوور

قوباد تاڵەبانی

لەمیانی سەردانەکەیدا بۆ هەڵەبجە، رۆژى دووشەممە 13ى ئایارى 2024، قوباد تاڵەبانی لێپرسراوی مەکتەبى سکرتارییەتی سەرۆک مام جەلال سەردانی بارەگاى مەڵبەندی٩ی رێکخستنی شارەزووری یەکێتیی نیشتمانیی کوردستانی کرد.


لە کۆبوونەوەیەکدا پیرۆزبایی لەعومەر حاجی ئەحمەد کرد بەبۆنەى دەستبەکاربوونی بە لێپرسراوی مەڵبەندی ٩ی رێکخستنی شارەزوور و هیواى سەرکەوتنی بۆ خواست، داواشى لێکرد هەموو هەوڵەکانی بخاتەگەڕ تا ئەم گۆڕانکارییە هاوتاى قۆناغەکە و هەوڵ و هیممەتی یەکێتی بێت و کاریگەرى هەبێ لەسەر رێکخستنەوەى کاروبارەکانی مەڵبەند و کۆکردنەوەى کادیرانی حزب و هاندانیان بۆ چوونەوە ناو جەماوەرى سنورەکە. 


لەتەوەرێکی تری کۆبوونەوەکەدا لێپرسراوی مەکتەبى سکرتارییەتی سەرۆک مام جەلال ئاماژەى بەدۆخی ئێستاى ناوچەکە کرد لەبەر رۆشنایی پەرەسەندنەکانی سەر گۆڕەپانی سیاسی و ئەمنی و هەوڵەکانی یەکێتی نیشتمانی کوردستان لەوبارەیەوە.


هەر لەکۆبوونەوەکەی قوباد تاڵەبانی، لەگەڵ لێپرسراو و کادرانی مەڵبەندی ٩ى رێکخستنی شارەزوور، تاوتوێى چۆنێتی رێکخستنەوەى پەیوەندی نێوان حزب و حکومەت کرا لەرێى ئەو کادرانەى یەکێتییەوە کەپۆستیان هەیە لەحکومەت بەجۆرێک کە هەوڵەکانیان لەخزمەتی زیاتری هاوڵاتیانی پارێزگاى هەڵەبجە بێت و رەنگدانەوەى سیاسەتی یەکێتی بێت بۆ خزمەتکردن بەچین و توێژەکان بێ جیاوازی.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket