یهكێتی قهواره و شهرعیهتی ههرێم بهههڵبژاردن دهپارێزێت
کوردستان 05:17 PM - 2024-04-03لۆگۆی یەکێتیی نیشتمانیی کوردستان و کۆمسیۆنی هەڵبژاردنەکانی عیراق، پڕۆسەی دەنگدان
یەکێتیی نیشتمانیی
کوردستان لەڕێگای هەڵبژاردنەوە دەیەوێت دامودەزگا شەرعییەکانی هەرێمی کوردستان کە
لەئێستادا لەکارکەوتوون یان کاربەڕێکەرن، کارا بکاتەوە بۆئەمەش ئامادەی هەڵبژاردنە
لەو وادەیەی دیاریکراوە و پشتیوانی لە هەڵبژاردنێکی پاک و بێگەرد لە هەرێمی
کوردستان دەکات، ئەمەش لەپێناو ئەوەی حزبەکان سەنگ و هێزی خۆیان بزانن، هاوکات لەڕێگای
هەڵبژاردنەوە ئامانجیەتی نوێنەری راستەقینەی کۆمەڵانی خەڵکی کوردستان بۆ خزمەت بنێرێتە
پەرلەمان.
مەکتەی سیاسی: هەڵبژاردن خواستی هاووڵاتیان دێنێتە دی
لە
راگەیەندراوی کۆبوونەوەی مەکتەبی سیاسی یەکێتیی نیشتمانیی کوردستاندا هاتووە:
"لە سۆنگەی پەرۆشیمان بۆ پاراستنی قەوارەی هەرێم، پابەندین بەو وادەیەی کە بۆ
هەڵبژاردنی پەرلەمانی کوردستان لە لایەن سەرۆکایەتی هەرێمی کوردستانەوە بڕیاری
لێدراوە و کۆمسیۆنیش ئامادەکاری پێویستی بۆ کردووە، هاوکات تەئکید دەکەینەوە، کە
داخوازی هاووڵاتیان بۆ مووچە و بودجە و ئاوەدانی، تەنها و تەنها لە رێی پەرلەمان و
حکومەتێکی نوێوە دەکرێت".
هەڵبژاردن رێڕەوی حکومڕانی هەرێم راست دەکاتەوە
هەڵبژاردن
پەڕەیەکی نوێ لەنێوان هەرێم و بەغدا دەکاتەوە و وادەکات رێڕەوی حکومڕانی هەرێم
راست ببێتەوە و لەوە زیاتریش هاووڵاتیان نەبنە قوربانی.
لوقمان وەردی ئەندامی سەرکردایەتی و لێپرسراوی
مەڵبەندی راپەڕینی یەکێتیی نیشتمانیی کوردستان بە PUKMEDIA ی راگەیاند:
"تەنها هەڵبژاردن دەتوانێت رێڕەوی حکومڕانی لە هەرێمی کوردستان راست بکاتەوە،
بۆئەوەی لەوە زیاتر هاووڵاتیان و مووچەخۆرانمان نەبنە قوربانی و هەست بە سەقامگیری
سیاسی بکەن".
"ئەنجامدانی
هەڵبژاردن پەڕەیەکی نوێ لەنێوان هەولێر و بەغدا دەکاتەوە، بۆیە دروستکردنی هەر
بەربەستێک بە بیانووی ئەنجامنەدانی هەڵبژاردن لاوازکردنی قەوارەی هەرێمە، هاوکات
پێچەوانەی بەرژەوەندییە باڵاکانی خەڵکی کوردستانە"، لوقمان وەردی وادەڵێت.
یەکێتی بە هەڵبژاردن مەترسییەکان دووردەخاتەوە
یەکێتیی نیشتمانیی کوردستان هەستی بەو
مەترسییانە کردووە کە لەسەر هەرێمە، بۆیە دەیەوێت لەڕێگای هەڵبژاردنەوە ئەو
مەترسییانە دووربخاتەوە، هەروەها یەکێتی پشتیوانی لە ئەنجامدانی هەڵبژاردن دەکات لە
وادەی خۆیدا.
خدر مستەفا ئەندامی سەرکردایەتی و لێپرسراوی مەڵبەندی
سۆرانی یەکێتیی نیشتمانیی کوردستان بە PUKMEDIA ی راگەیاند: "یەکێتی هەست بەو
مەترسییانە دەکات کە لەسەر هەرێم هەیە و دەیەوێت لەڕێگای هەڵبژاردنەوە ئەو
مەترسییە ناوخۆیی و دەرەکییانە لەسەر قەوارەی هەرێم دووربخاتەوە، ئەگەر هەڵبژاردن
ئەنجام نەدرێت زیاتر شەرعیەتی هەرێمی کوردستان لاواز دەبێت".
"هەڵبژاردن دەتوانێت دامودەزگا شەرعییەکانی هەرێمی
کوردستان بخاتەوەگەڕ کە لە ئێستادا لەکار کەوتوون یان کاربەڕێکەرن، لەم
چوارچێوەیەشدا یەکێتی پشتیوانی لە هەڵبژاردنی پەرلەمانی کوردستان دەکات لە وادەی
خۆیدا و خۆی بۆئامادە کردووە"، خدر موستەفا وای وت.
وتەبێژ: دواخستنی هەڵبژاردن کارەساتە بۆ هەرێم
سهعدی ئهحمهد پیره
وتهبێژی یهكێتیی نیشتمانیی كوردستان به PUKMEDIA ی راگهیاند:"پێمانوایه دواخستنی هەڵبژاردن خزمهت به قهوارهی
ههرێمی كوردستان ناكات و بهپێچهوانهوه پێویستمان به پهرلهمان و حكومهتێكی
نوێ ههیه كه ئهوهش تهنها بهههڵبژاردن دێتهدی".
"یهكێتیی نیشتمانیی كوردستان رێزی لهمهرسومهكانی سهرۆكی
ههرێمی كوردستان گرتووهو لهگهڵ ئهوهی چوارجار مهرسومی بۆ وادهی ههڵبژاردن
دهركردووه، بهڵام هیچ كاتێك یهكێتی نهبووهته رێگر لهبهردهم وادهی ههڵبژاردن،
بهپێچهوانهوه پشتیوانیمان كردووه، چونكه دهزانین دواخستنی ههڵبژاردن كارهساته
بۆ ههرێمی كوردستان"، سەعدی ئەحمەد پیرە وادەڵێت.
ئەنجام نەدانی هەڵبژاردن زیان بە هەرێم دەگەیەنێت
هاوکات لەتیف نێروەیی ئەندامی سەرکردایەتی و
لێپرسراوی بۆردی راگەیاندنی یەکێتیی نیشتمانیی کوردستان لەبارەی هەڵبژاردنەوە لە
پانێڵێکدا رایگەیاند: "پرسی هەڵبژاردن لە ئێستادا لەهەرێمی کوردستان هاوشێوەی
پرسی ریفراندۆم دێتە بەرچاومان، چونکە لەوکاتەدا هەموو دۆست و هاوپەیمانەکانمان
پێیان وتین لەئێستادا ریفراندۆم مەکەن، بەڵام گوێیان لێنەگیرا و دواجار بە زیانی
گەلەکەمان شکایەوە، لەئێستاشدا لەسەر ئاستی ناوخۆ و دەرەوە پێمان دەڵێن هەڵبژاردن
ئەنجام بدەن، ئەگەر گوێیان لێنەگرین هاوشێوەی ریفراندۆم زیان بە گەل و خاک و
قەوارەی هەرێم دەگەیەندرێت".
یەکێتیی نیشتمانیی کوردستان لەپێناو درێژە نەدان بەو دۆخە
ناسەقامگیرییە نائابورییەی کە هەرێمی کوردستانی گرتۆتەوە، تەئکید لە هەڵبژاردنی
پەرلەمان لە وادەی خۆیدا دەکاتەوە کە سەرۆکی هەرێم مەرسومی بۆ دەرکردووە و بڕیارە
لە 10ی 6ی 2024 ئەنجام بدرێت.
PUKMEDIA
هەواڵی زیاتر
-
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
02:32 PM - 2024-05-03 -
كارگەیەكی مادەی هۆشبەر دەستی بەسەردا دەگیرێت
05:27 PM - 2024-05-02
ئەمانەش ببینە
کوردستان 05:23 PM - 2024-05-03 سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
03:22 PM - 2024-05-03
سەرۆک بافڵ لەگەڵ سەرۆکوەزیرانی عیراق کۆدەبێتەوە
01:22 PM - 2024-05-03
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
11:43 AM - 2024-05-03
داهاتی هەفتەی رابردووی سلێمانی زیاتر لە 26 ملیار دینارە
08:46 AM - 2024-05-03
زۆرترین خوێنراو
-
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
کوردستان 02:32 PM - 2024-05-03 -
پرسەنامەی قوباد تاڵەبانی بۆ خانەوادەی شێخ فەریق تاڵەبانی
پرسەنامە 01:57 PM - 2024-05-03 -
مەکتەبی سکرتارییەت: یەکێتی بە شانازییەوە لە رابردووی تێکۆشەرەکانی دەڕوانێت
ی ن ک 01:56 PM - 2024-05-03 -
سەرۆک بافڵ لەگەڵ سەرۆکوەزیرانی عیراق کۆدەبێتەوە
کوردستان 01:22 PM - 2024-05-03 -
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
کوردستان 11:43 AM - 2024-05-03 -
داهاتی هەفتەی رابردووی سلێمانی زیاتر لە 26 ملیار دینارە
کوردستان 08:46 AM - 2024-05-03 -
سەمیر هەورامی: حکومەتی هەرێم بۆ تەوتین ئامادەیی دەربڕیوە
کوردستان 11:20 PM - 2024-05-02 -
شاڵاو کۆسرەت رەسوڵ سەردانی ژمارەیەک کەسایەتی دەکات
پرسەنامە 10:56 PM - 2024-05-02