riklam

چلەی ماتەمینی رێباز بابان بەڕێوەچوو

کوردستان 05:31 PM - 2024-03-02
چلەی ماتەمینی پێشمەرگە و راگەیاندنکاری دێرین رێباز بابان PUKMEDIA

چلەی ماتەمینی پێشمەرگە و راگەیاندنکاری دێرین رێباز بابان

پرسەنامە

ئەمڕۆ ٢-٣-٢٠٢٤ بە ئامادەبوونی کەسوکار و ژمارەیەکی زۆر لە کەسایەتی حکومی و حزبی و هاوسەنگەر و هاوپیشەکانی، مەراسیمی چلەی ماتەمینی پێشمەرگە و راگەیاندنکاری دێرین رێباز حەمید ناسراو (رێباز بابان) بەڕێوەچوو، سەرەتای مەراسیمەکەش بە ساتێک وەستان بۆ گیانی پاکی شەهیدان و مارشی مەشخەڵان دەستیپێکردوو، دواتر چەند ئایەتێک لە قورئانی پیرۆز خوێندرایەوە.

دواتر لەتیف نێروەیی لێپرسراوی بۆردی راگەیاندنی یەکێتیی نیشتمانیی کوردستان، وتاری مەکتەبی راگەیاندن و بیروهۆشیاری یەکێتی پێشکەشکرد و رایگەیاند:" بە دەرفەتی دەزانم لەم مەراسیمەدا جارێکی تر سەرەخۆشی لەخۆمان و کەسوکار وهاوسەنگەر و هاوپیشەکانی هەڤاڵی نەمرمان رێباز بابان بکەم".

راشیگەیاند:" ئاسان نییە کەسایەتییەک بتوانێت بەوردی تیشک بخاتەسەر خەبات و ماندووبونی کاکە رێباز، بەڵام من وەک خۆم کە ماوەیەک لە نزیکەوە کارم لەگەڵ کردووە، دەتوانم بڵێم کاکە رێبازی نەمر یەکێک بوو لە میدیاکارە بژاردەکان و شارەزاییەکی تەواوی لە زۆرێک لە ژانرەکانی راگەیاندندا هەبوو، بەشێوەیەک زۆر بەرپرسانە ئەرکی خۆی و هەندێک جار هاوڕێکانیشی جێبەجێدەکرد، هاوکات کەسێکی بوێر و رەخنەگریش بوو".

 

هەر لە مەراسیمەکەدا دیکۆمێنتارییەک لەسەر ژیانی پێشمەرگە و راگەیاندنکاری دێرین رێباز حەمید ناسراو (رێباز بابان) نمایشکرا.

شەوی ٢١-١-٢٠٢٤ رێباز حەمید ناسراو (رێباز بابان) پێشمەرگە و راگەیاندکاری دێرینی شاخ و شار و ئەندامی ئەنجومەنی راوێژکاری بۆردی راگەیاندن، بە نۆبەی دڵ کۆچی دواییکرد.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket