riklam

میوانداری عەدەد جیهازەکانی شۆڕشی نوێ دەکرێت

کوردستان 06:55 PM - 2024-02-22
 میوانداری عەدەد جیهازەکانی شۆڕشی نوێ دەکرێت نووسینگەی رۆژنامەوانی قوباد تاڵەبانی

میوانداری عەدەد جیهازەکانی شۆڕشی نوێ دەکرێت

قوباد تاڵەبانی

ئەمڕۆ پێنجشەممە ٢٠٢٤/٢/٢٢ لەسەر ڕاسپاردەی سەرۆک بافڵ جەلال تاڵەبانی سەرۆکی یەکێتیی نیشتمانیی کوردستان ، قوباد تاڵەبانی لێپرسراوی مەکتەبی  سکرتارییەتی سەرۆک مام جەلال مەکتەبی سکرتارییەت میوانداری عەدەد جیهازەکانی یەکێتی و شۆڕشی نوێیان کرد .

لەدیدارێکدا مەکتەبی سکرتارییەت رۆڵی ئەو پێشمەرگە و تێکۆشەرانەی کە عەدەد جیهاز بوون لە خەباتی  نهێنی و چەکداری بەرزنرخاند کە بەشێک بوون لە سەرخستنی خەباتی سیاسی و چەکداری ئەمە جگەلەوە کە ئەرکەکانیان هەستیارو تایبەت بوو بەڵام هەمیشە بە دڵسۆزی و سەرڕاستی و ئەمانەتەوە  فەرمانەکانیان جێبەجێدەکرد وەک ئەوەی سەرۆک مام جەلال ناوی دەبردن بە قاسە رەشەکەی شۆڕش و یەکێتی .

مەکتەبی سکرتارییەت لە پای پێگەو مێژووی پاکیان و قوربانیدانیان کە ٢٠ رۆڵەی ئازایان لە سەنگەری بەرگری شەهید بوون و گیان بەخشی بە کوردستان .رێزو پێزانین پێشکەش بە عەدەد جیهازەکان دەکات  و  روونیانکردەوە هەر تێکۆشەرێکی یەکێتی خاوەنی راستەقینەی یەکێتییەکەی مامن و راسپاردەی سەرۆک بافڵ جەلال تاڵەبانی و هەڤاڵ قوباد تاڵەبانییە کە دەبێت هەموو ئەو شۆڕەسوارانەی بەشداربوون لە خەبات و تێکۆشانی کوردایەتی ئاوڕیان لێبدرێتەوە و  هەر پێویستیەکیشیان  هەبێت بۆیان جێ بەجێبکرێت . ئێمەش وەک ئەرکی خۆمان خزمەتکاری هەمووان دەبین و بەرامبەر ماندووبوون و قوربانیدانتان وەفادارین و لەگەڵتان بەردەوام دەبین بە گڕوتینی زیاتر و یەکێتیانەوە لەبەرامبەردا عەدەد جیهازەکانی شۆڕش وێڕای بەرزنرخاندنی ئەم هەوڵە بە گرنگییەوە لەمڕۆی یەکێتییان روانی و جەختیانکردەوە بەهەمان رۆحیەتی نیشتمان پەروەروەری شاخ درێژە بە خزمەتەکانیان دەدەن و یەکێتئ دەبن بۆ خزمەتکردنی کۆمەڵانی خەڵک.

 

PUKMEDIA

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket