riklam

کەرکوک سحری جێگۆڕکێی شەیتانەکان بەتاڵ دەکاتەوە

بیروڕا 10:33 PM - 2023-12-05
ئەرسەلان مەحمود PUKMEDIA

ئەرسەلان مەحمود

بیروڕا

ئەرسەلان مەحمود

پروپاگەندەی هەڵبژاردن شێوازو ئامراز یان هونەرێکە بۆ ڕازیکردنی ئەوانی تر، بێگومان بەو کارنامەو پڕۆگرام و بەرنامە بەرجەستەو ڕاگەیەندراوەی هەتەو دەتەوێ دواجار لەڕێگەیەوە خزمەت بەتاک و کۆمەڵگەو پەرەپێدانی ڕەوشی ئیداری و ژینگەیی بکەی، نەک نکۆڵیکردن و چڕکردنەوەی هەموو توانستە جیاکان لەدژو دوژمنایەتی و ڕەتکردنەوەی ئەوانی تری غەیرە خۆدا.

 

لەهەڵبژاردنی ئەنجومەنی پارێزگەکانی عیراقدا، حزب و لایەنی کوردی هەن، چونکە ئامانجەکەیان دواجار لەبری چارەسەری کێشەی کەرکوک و ناوچە جێناکۆکەکان، تەنهاو تەنها بەدەستەوە گرتنی ئیدارەی کەرکوک و ناوچەکەیە، پڕوپاگەندەیان بووە بەنکۆڵیکاری و سڕینەوەی بیرو باوەڕو تێگەو مێژووی مانەوەو خۆڕاگری خەڵکی کەرکوک و ناوچەکە، هەرچی هەیانەو بگۆو پراکتیزەی دەکەن خۆی لەدژو دوژمنایەتی کردنی یەکێتیی و لیستەکانی و هاوپەیمانێتییەکەی دا دەبینێتەوە، تاوانبارو هەڵاتوەکان لەم خەڵکە شۆڕشگێڕو خۆڕاگرە دەکەن بەپاڵەوان و فریادڕەس، یان شەرمەزاری وەک شکۆمەندی بەخەڵک دەفرۆشنەوە، ئەمە هەر داخ لەدڵی یان زادەی بێ بەرنامەیی و بێ پڕۆگرامی نیە، نیشانەی ئیفلسی سیاسیشە.

 

حزبی پاسیڤ و پارادۆکسیەتی حزبی، لەکێشە مەترسیدارەکانی ژیانی سیاسی هەر کۆمەڵگەیەکی مرۆین، چونکە باجی ئەو بێ هزری و بێنەزمییە حزبییەیان بەخەڵک و کۆمەڵگەکە ئەدەن، ئەبنە مۆرانەو خۆرکە مرۆیی و بونیادییەکەی، بێشوێن و بێجێگەو بێپێگەی مێژوویی و جەماوەری حزب جگە لەبارێکی قورس بەسەر کۆمەڵگەوە، دەکەن بەزۆر شت، لەوانە مشەخۆرو عارەقخۆری ژێر سایەو سێبەری ئەوانی تر.

 

کەرکوکییەکان و خەڵکی ناوچەکە، رێز لەدوێنێ و ئێستای خۆیان دەگرن، تێدەگەن دەبێ چیبکەن بۆ ئەوەی ئایندەیەکی باشترو دڵخوازیان هەبێ، باش دەزانن پەرتکردنی دەنگەکان لەبەرژەوەندی کەرکوک و ناسنامە کوردییەکەیدا نیە، جیاکاری ئیتنی و ئیدارییان ناوێت، بەدوای شەڕو ئاشوبدا ناگەڕێن، دەخوازن ئازادو شەرەفمەندانە لەئاشتیدا بژین، کەرکوکییەکان هەرگیز هەڕاجکاریەکەی دوێنێی کەرکوک و هەرزانفرۆشی هەڵوێست ڕستکراوەکانی ئەمڕیان بیرناچێتەوەو بەدەنگ لەڕۆژی هەڵبژاردنی ئەنجومەنی پارێزگادا دەستکاری ئەم واقیعە تاڵە دەکەن و بەحەق وڵامیان ئەدەنەوە، سەردەمێکی نوێ بەڕێوەیەو سحری ئەم جێگۆڕکێیەی شەیتانەکان بەتاڵ دەبێتەوە.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket