riklam

لێپرسراوی نوێی مەڵبەندی دهۆك دەستبەكاردەبێت

کوردستان 11:53 AM - 2023-11-27
ئاڵوگۆڕی پۆستی لێپرسراوی مەڵبەندی دهۆك  PUKMEDIA

ئاڵوگۆڕی پۆستی لێپرسراوی مەڵبەندی دهۆك

یەکێتیی نیشتمانیی کوردستان

ئەمڕۆ دوو شەممە 27-11-2023، بە ئامادەبوونی سەركەوت زەكی لێپرسراوی مەكتەبی رێكخستن و ژمارەیەك لە ئەندامانی مەكتەبی سیاسی و سەركردایەتی  و ئەندام و كادیرانی مەڵبەندی دهۆك، لە مەڕاسیمێكی تایبەتدا ئاڵوگۆڕی پۆستی لێپرسراوی مەڵبەندی دهۆكی یەكێتیی نیشتمانیی كوردستان كرا.

لە مەڕاسیمەكەدا سەركەوت زەكی لێپرسراوی مەكتەبی رێكخستنی یەكێتیی نیشتمانیی كوردستان پاش دەستخۆشی لە مامۆستا محەمەد شێروانی لێپرسراوی پێشووی مەڵبەندی دهۆك، لە بەرامبەر جێبەجێكردنی ئەركە حزبییەكانی لە ساڵی رابردوودا، پشتیوانی مەكتەبی رێكخستنی بۆ جەمال یوسف لێپرسراوی نوێی مەڵبەند دووپاتكردەوە و رایگەیاند: "ئامانجمان لە گۆڕانكاری لە لێپرسراوی مەڵبەندەكاندا، بۆ گەشەپێدانە بە ریزەكانی یەكێتیی نیشتمانیی كوردستان و جێبەجێكردنی كارنامە و راسپاردەكانی پێنجەمین كۆنگرەی یەكێتییە".

راشیگەیاند: "بێگومان دهۆك بۆ یەكێتی گرنگە و ئامانجمانە لەڕێی مەڵبەندەوە خزمەتی زیاتری خەڵكی خۆشەویستی دهۆك بكەین بەبێ جیاوازی".

لەچوارچێوەی گۆڕانكارییە ناوخۆییەكانی حزب و لەسەر راسپاردەكانی پێنجەمین كۆنگرەی یەكێتیی نیشتمانیی كوردستان رۆژی 12-11-2023، مەكتەبی سیاسی كۆبووەوە و بڕیاریدا، زیاد جەبار بە لێپرسراوی نوێی مەڵبەندی سلێمانی و سالار مەحمود بە لێپرسراوی نوێی مەڵبەندی گەرمیان و عومەر حاجی ئەحمەد بە لێپرسراوی مەڵبەندی شارەزوور و تەحسین نامیق بە لێپرسراوی نوێی مەڵبەندی كۆیە و جەمال یوسف بە لێپرسراوی نوێی مەڵبەندی دهۆكی یەكێتیی نیشتمانیی كوردستان دەستبەكاربن و د. مەجید حەمە ئەمین وەك لێپرسراوی مەڵبەندی رێكخستنی هەولێر بمێنێتەوە.

بۆ ئەو مەبەستەش تا ئێستا گۆڕانكاری لە پۆستی هەریەك لە مەڵبەندەكانی سۆران، راپەڕین، شارەزوور، سلێمانی، گەرمیان، كۆیە، دهۆك كراون.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket