عەشیرەتی جبور: یەکێتی بە حزبی خۆمان دەزانین

تایبەت

سەردانی ئاراس محەمەد بۆ ناحیەی نەمرود

بەمەستی سەرخستنی لیستی ھاوپەیمانیی خەڵکی نەینەوا، ئاراس محەمەد ئاغا ئەندامی سەرکردایەتی یەکێتی و سەرۆکی ھاوپەیمانیی یەکێتی خەڵکی نەینەوا، لە چوارچێوەی دیدار و سەردانییە مەیدانییەکانی بۆ لای چین و توێژەکانی نەینەوا، بە ھاوڕێیەتی ئەحلام کاکەیی ئەندامی پەرلەمانی عیراق لە فراکسیۆنی سەوز و  ژمارەیەكی زۆر لە هەڤاڵانی مەڵبەند سەردانی ناحیەی نەمرودی کرد لە پارێزگای نەینەوا و لەنزیکەوە چاویکەوت بە خزمانی عەشیرەتی جبور.

دواتر لەکۆبونەوەیەکدا کە ئەحمەد رەشید کاندیدی ھاوپەیمانیی یەکێتی خەڵکی نەینەواش ئامادەیبوو، ئاراس محەمەد ئاغا رایگەیاند:"ھاوپەیمانییەکەمان گوزارشت لەھەموو پێکھاتەو نەتەوە جیاوازەکانی نەینەوا دەکات بەبێ جیاوازی ، خزمەتکردنی شاری نەینەوا بە ئەرکی خۆمان دەزانین.

لای خۆشیانەوە خزمانی جبور ستایشی هەوڵ و کۆششەکانی یەکێتی و ئاراس محەمەد ئاغایان کرد، و رایانگەیاند:" وەک هەمیشە لە خزمەتی رێبازەکەی سەرۆک مام جەلالدا دەبین و یەکێتی بەحزبی خۆمان دەزانین، پشتگیری و پشتیوانی خۆشمان بۆ لیستی ھاوپەیمانیی _ یەکێتی خەڵکی نەینەوا و کاندیدانی دووپاتدەکەینەوە".

هەر لەدرێژەی سەردانەکەیدا ئاراس محەمەد ئاغا سەرۆکی ھاوپەیمانیی یەکێتی خەڵکی نەینەوا لەبارەگای کۆمیتەی حەمدانیە چاویکەوت بە ژمارەیەك کادری یەکێتی لە دەڤەرەکە و لەدیدارێکدا رایگەیاند:" پێویستە بەجۆش و خرۆشێکی زۆرەوە کار بۆ سەرخستنی لیستی ھاوپەیمانی یەکێتی خەڵکی نەینەوا بکەین و زۆرترین دەنگی شارەکە بەدەستبھێنین.

دواتریش ئاراس محەمەد سەردانی شوێنەوارە مێژووییەکانی ناحیەی نەمرودی کرد و لەلایەن بەرێوەبەری گشتی شوێنەواری شارەکە پێشوازیلێکرا.

PUKMEDIA