riklam

سەرۆککۆماری عیراق و میسر دۆخی سیاسی و ئەمنی و ئابوری تاووتوێ دەکەن

عیراق 09:39 PM - 2023-11-11
سەرۆککۆماری میسر و سەرۆککۆماری عیراق PUKMEDIA

سەرۆککۆماری میسر و سەرۆککۆماری عیراق

لە پەراوێزی لوتکەی هاوبەشی عەرەبی-ئیسلامی بۆ پشتگیری فەلەستین، کە لە ریازی پایتەختی سعودیە بەڕێوەدەچێت، د. لەتیف جەمال رەشید سەرۆککۆمار لەگەڵ  عەبدولفەتاح سیسی سەرۆک کۆماری میسری عەرەبی کۆبۆوە.

 

رۆژی 11ی11 لەو کۆبوونەوەیەدا، بارودۆخی گشتیی سیاسی و ئەمنی و ئابووری گۆڕەپانی عەرەبی و نێودەوڵەتی تاووتوێ کرا، بەتایبەتی دۆخی غەزە،  هەردوولا جەختیان لەسەر پێویستی چەسپاندنی ئاگربەستکردەوە و بەپێویستیانزانی رێگەی گەیشتنی هاوکاری مرۆیی بۆ گەلی فەلەستین ئاوەڵا بکرێت و کۆتایی بە گەمارۆی داسەپاو و مەینەتیی دانیشتوانی غەزە بهێنرێت.

 

هەروەک باس لە سروشتی پەیوەندییە دووقۆڵییەکانی نێوان عیراق و میسر و رێگاکانی بەرەوپێشبردنیان کرا لەپێناو گەیشتن بە بەرزکردنەوەی ئاستی بەرژەوەندییە باڵاکانی هەردوو وڵات و گەلی برا، هاوکات سەرۆک کۆمار جەختی لە گرنگی فراوانکردنی ئاسۆی هاوکاری لەگەڵ میسر کردەوە لە بواره ئابوری و ئەمنییەکان بەشێوەیەک، کە سەقامگیری بە ناوچەکه و سود بەهەردوو گەلی برا بگەیەنێت.

 

لە بەرامبەردا سەرۆک عەبدولفەتاح سیسی جەختی لە پەرۆشی وڵاتەکەی کردەوە بۆ بەهێزکردنی پەیوەندییەکان لەگەڵ عیراق و کارکردن بۆ چالاککردنی میکانیزمەکان بە ئامانجی قوڵترکردنی پەیوەندییەکانی نێوان هەردوو وڵات بەمەبەستی خزمەتکردنی خواستەکانی هەردوو گەلی برا لەگەشەپێدان و خۆشگوزەرانیدا.

 

شایانی باسە فوئاد حسێن جێگری سەرۆک وەزیران و وەزیری دەرەوەی عیراق و سامح شوکری وەزیری دەرەوەی میسر ئامادەی دیدارەکە بون.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket