riklam

پرسەنامەکان بۆ کۆچی دوایی سەعید ئاغای رۆستایی

کوردستان 05:35 PM - 2023-11-07
مام سەعید ئاغای رۆستایی PUKMEDIA

مام سەعید ئاغای رۆستایی

ئەمڕۆ سێشەممە 7-11-2023، مام سەعید ئاغای رۆستایی، تێکۆشەر و کەسایەتی دیار و کاریگەر و ناسراوی ناوچەکانی باڵەکایەتی و سۆران و هەولێر کۆچی دوایی کرد، چەندین پرسەنامەش ئاڕاستەی خێزان و خانەوادەی کۆچکردوو کراون.

پرسەنامەی سەرۆک بافڵ

هەڤاڵان کاک نەهرۆ، کاک موشیر و کاک زۆسک ( سەعید ئاغا )ی رۆستایی
بەداخێکی زۆرەوە هەواڵی کۆچی دوایی (مام سەعید ئاغا) تێکۆشەر و کەسایەتیی دیاری دەڤەری هەولێر، باڵەکایەتی و سۆرانمان پێگەیشت.
بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی خزمانی عەشیرەتی باڵەک و رۆستێ دەکەم کە نموونەی باڵای خەبات و تێکۆشانن لەپێناو کوردستان.
لەخوای گەورە داواکارم کۆچکردوو بە بەهەشتی بەرین شادبکات و سەبووری بەهەموولایەک ببەخشێت.

دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان

پرسەنامەی کۆسرەت رەسوڵ عەلی

بەڕێزان: خانەوادەو کەسوکاری سەعید ئاغای روستێ

بەداخێکی زۆرەوە هەواڵی کۆچی دوایی کەسایەتی دیارو ناسراو، ریش سپی و پیاوماقوڵی دەڤەرەکە (سەعید ئاغای روستێ)م بیست، دڵگران و خەمباری کردم، هاوبەشی خەمتانم، پرسەو سەرەخۆشی خۆم ئاراستەی ئێوەو خزمانی عەشیرەتی باڵەک و گوندی روستێ دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

براتان
کۆسرەت رەسول عەلی

پرسەنامەی مەکتەبی سیاسی یەکێتی

بەڕێزان  خانەوادەی كۆچكردوو  سەعید ئاغای رۆستایی

 بەداخەوە هەواڵی كۆچی دوایی ( مام سەعید ئاغا )رۆستایمان بیست، بۆ ئەم خەمە، پرسە و هاوخەمی خۆمان ئاراستەی ئێوە و هاورێیان و بنەماڵە تێكۆشەرەكەتان دەكەین و خۆمان بەهاوبەشی خەم و پەژارەتان دەزانین.
مام سەعید ئاغای كۆچكردوو، یەكێك بوو لە كەسایەتیە كۆمەڵایەتیە دیارەكانی  ناوچەی باڵەكایەتی و سۆران و هەولێر، بەكۆچی دوایی ناوچەكە و كوردستان كەسایەتیەكی نیشتیمانپەروەری لەدەستدا، داواكارین یەزدانی مەزن  سەبوری و ئارامی هەموو لایەك بدات و كۆچكردوو بەبەهەشتی بەرین شاد بكات.


انا للە وانا الیە راجعون

مەكتەبی سیاسیی
یەكێتیی نیشتمانیی كوردستان

پرسەنامەی قوباد تاڵەبانی

بەڕێزان خێزان و خانەوادەی کۆچکردوو مام سەعید ئاغای رۆستایی

بەبیستنی هەواڵى کۆچی دوایی (مام سەعید ئاغا)ی رۆستایی، نیگەران و دڵگران بووم.

مام سەعید ئاغا کەسایەتیەکی دیار و ناسراوی کۆمەڵایەتی و کاریگەری ناوچەکانی باڵەکایەتی و سۆران و هەولێر، لە بنەماڵەیەکی تێکۆشەر و قوربانیدەر بوون بۆ شۆڕش و کوردایەتی، کۆچکردنی جێگای داخە.

بۆ ئەم کۆستە هاوبەشی غەمتانم، پرسە و سەرەخۆشی ئاڕاستەی ئێوە و بنەماڵەکەتان دەکەم و خواى گەورە لێی خۆش بێت، سەبورى و دڵنەواییش بەهەموو لایەک ببەخشێت.

انا لله وانا اليه راجعون

قوباد تاڵەبانی
سەرپەرشتیاری مەکتەبی سکرتارییەتی سەرۆک مام جەلال

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket