سەرۆك بافڵ: پێویستە پارێزگاریی لە هاوبەشیی راستەقینە بكەین

نوسینگەی سەرۆكی یەكێتی

بافڵ جەلال تاڵەبانی سەرۆكی یەكێتی و ئەلینا رۆمانۆسكی باڵیۆزی ئەمریكا لە عیراق

بافڵ جەلال تاڵەبانی سەرۆكی یەكێتیی نیشتمانیی كوردستان، لە بارەگای مەكتەبی سیاسی لە هەولێر پێشوازی لە ئەلینا رۆمانۆسكی باڵیۆزی ئەمریكا لە عیراق كرد. 

لەدیدارێكدا كە دەرباز كۆسرەت رەسوڵ لێپرسراوی مەكتەبی پەیوەندییەكان ئامادەبوو، دۆخی سیاسیی هەرێم، عیراق و رۆژهەڵاتی ناوەڕاست گفتوگۆی لەبارەوەكرا و جەخت لە بەردەوامی هەوڵە نیشتمانییەكانیان كرایەوە لەپێناو تێپەڕاندنی بەربەستەكان و زاڵبوون بەسەر ئاڵنگارییەكاندا. 

لەدرێژەی دیدارەكەدا سەرۆك بافڵ جەلال تاڵەبانی لەبارەی كۆی هاوكێشەكانەوە سیاسەت و ستراتیژی یەكێتیی خستەڕوو و رایگەیاند: "پاراستنی سەقامگیریی وڵات و بونیادنانی داهاتوویەكی گەشتر پەیوەستە بە هاریكاری و هەماهەنگی نێوان سەرجەم هێز و لایەنەسیاسییەكان و گفتوگۆی بوونیادنەرانەوە".

سەرۆك بافڵ ئاماژەی بەوەشكرد: "پێویستە هەمووان بەرپرسانە مامەڵە لەگەڵ دۆخەكە بكەن و بە ئامانجێكی هاوبەشەوە كار بۆ ئاوەدانیی و خۆشگوزەرانیی وڵات بكەن"، وتیشی: "بۆ بەدیهێنانی ئەم ئامانجە باڵایانەش پێویستە پارێزگاریی لە هاوبەشیی راستەقینە، تەبایی و پێكەوەژیان بكەین".


PUKMEDIA