شاڵاو كۆسرەت رەسوڵ: یەكێتی هێزێكی كاریگەرە و ناکرێت رۆڵی نادیدە بکرێت

PUKMEDIA

كۆبوونەوەی ئەنجومەنی مەڵبەندی چەمچەماڵ

شاڵاو كۆسرەت رەسوڵ ئەندامی مەكتەبی سیاسیی یەكێتیی نیشتمانیی كوردستان رایدەگەیەنێت: "یەكێتی هێزێكی گەورەی ناوچەكەیە و لەلایەن دۆست و نەیارەكانمانەوە حسابی تایبەتی بۆ دەكرێت و لەهەموو پرسە چارەنوسسازەكاندا رۆڵی كاریگەریی هەیە". وتیشی:" ناكرێت رۆڵی كاریگەری یەكێتیی  لە كوردستان و عیراق نادیدە بكرێت". لێپرسراوی مەکتەبی رێکخستنی یەکێتیش دەڵێت، "وەك هەمیشە یەكێتی هێزێكی خزمەتگوزارە و لە بەرەی خەڵکدا دەمێنێتەوە".

رۆژی 29-10-2023 شاڵاو كۆسرەت رەسوڵ عەلی و سەركەوت زەكی لێپرسراوی مەكتەبی رێكخستن لەگەڵ ئەنجومەنی مەڵبەندی چەمچەماڵدا کۆبوونەوە کە مستەفا چاڵاوی ئەندامی سەركردایەتی و مەلا شێخە و ژمارەیەك لە هەڤاڵانی مەكتەبی رێكخستن و مەڵبەندی چەمچەماڵ ئامادەیبوون.

سەركەوت زەكی لێپرسراوی مەكتەبی رێكخستن لەوتەیەكدا باسی لەگرنگی و  خۆسازدان و ئامادەكارییەكانی یەكێتی بۆ هەڵبژاردنەكانی ئەنجومەنی پارێزگاكانی عیراق و پەڕلەمانی كوردستان كرد و رایگەیاند: "بەكاری پێكەوەیی و یەكتیمی بانگەشەی سەرخستنی كاندیدەكانی یەكێتیی دەكەین".  وتیشی: "ئەم هەڵبژاردنانە بۆ یەكێتیی نیشتمانیی كوردستان كاریگەرە و گرنگە هەڤاڵانی یەكێتی و دەنگدەران متمانە بە كاندیدەكان بدەن، بۆئەوەی وەك هەمیشە یەكێتی وەك هێزێكی خزمەتگوزاری خەڵك بمێنێتەوە و داكۆكیان لێ بكات".

شاڵاو كۆسرەت رەسوڵ  كە سەرپەرشتیاری بازنەی چەمچەماڵە بۆ هەڵبژاردنەكان لەوتەیەكدا باسی لە رۆڵ و پێگەی یەكێتی كرد و رایگەیاند: "یەكێتی هێزێكی گەورەی ناوچەكەیە و لەلایەن دۆست و نەیارەكانمانەوە حسابی تایبەتی بۆ دەكرێت و لەهەموو پرسە چارەنوسسازەكاندا رۆڵی كاریگەریی هەیە و  ناكرێت رۆڵی كاریگەری یەكێتیی لە كوردستان و عیراق نادیدە بكرێت".

"بەرەو دوو هەڵبژاردنی چارەنوسسازی ئەنجومەنی پارێزگاكانی عیراق وپەرلەمانی كوردستان دەڕۆین و پێویستە هەموو تواناكانمان بخەینەگەڕ تا بیسەلمێنین یەكێتی هەمیشە یەكێتییە بەهێزەكەی سەرۆك مام جەلال-ە و بەرووئیایەكی نوێوە بەهەمان شێوەی جاران دەیەوێت خزمەت بۆكۆمەڵانی خەڵك بكات"، شاڵاو كۆسرەت رەسوڵ وایوت.

سەرپەرشتیاری بازنەی چەمچەماڵ  بۆ هەڵبژاردنەكان باسی لە بایەخی كەركوك و ناوچە ناكۆكی لەسەرەكانی هەرێم كرد و رایگەیاند: "كەركوك و ناوچەدابڕێنراوەكان بەشێكی گەورەن لەمێژووی یەكێتی بێ یەكتری نابن و ئەركی ئێمەشە خزمەتی خەڵكەكەی خۆمان بكەین و وەك یەكتیمی یەكێتیی كاردەكەین بۆخزمەتی خەڵكی كەركوك وئەم ناوچەیە". وتیشی: "لە داوی پێنجەمین كۆنگرەوە كار بۆ یەكڕیزی یەكێتی ناو یەكێتی دەكەین و لە سەرویانەوە خزمەتی خەڵك وئاشتكردنەوەی كۆمەڵانی خەڵك وكادرەكانمانە".
PUKMEDIA