riklam

سەرۆک بافڵ: ژیان و ئارامی خەڵک کاری لە پێشینە بێت

کوردستان 07:16 PM - 2023-10-26
سەرۆک بافڵ لەگەڵ هێزەکانی دەزگای ئاسایش نوسینگەی رۆژنامەوانی بافڵ جەلال تاڵەبانی

سەرۆک بافڵ لەگەڵ هێزەکانی دەزگای ئاسایش

سەرۆک بافڵ

بافڵ جەلال تاڵەبانی، سەرۆکی یەکێتیی نیشتمانیی کوردستان لە سلێمانی سەردانی بارەگای بەڕێوەبەرایەتی ئۆپەراسیۆنەکانی دەزگای ئاسایشی هەرێمی کوردستانی کرد و لەلایەن سەرخێڵ کەمال، بەڕێوەبەری بەڕێوەبەرایەتی ئۆپەراسیۆنەکان، ئەفسەران و کارمەندانەوە پێشوازیلێکرا.

لە کۆبوونەوەکەدا سەرۆک بافڵ جەلال تاڵەبانی جگەلەوەی گوێبیستی راپۆرتێکی گشتگیر بوو لەبارەی هەوڵ و چالاکییە بەردەوامەکانی بەڕێوەبەرایەتییەکە بۆ پاراستنی ئاسایش و سەقامگیریی ناوچەکە، سوپاس و دەستخۆشی ئاڕاستەی بەڕێوەبەر و هێزەکانی ئۆپەراسیۆنی دەزگای ئاسایشی هەرێمی کرد کە هەمیشە و ماندوونەناسانە لە خەمی ئاسایشی خەڵک و سەقامگیریی هەرێمدا بوون و رایگەیاند، هەوڵەکانتان بۆ رووبەڕووبوونەوەی تیرۆر و چالاکییە بەردەوامەکانتان لەپێناو پاراستنی سەروماڵی خەڵک و دەستەبەرکردنی ژیانێکی سەقامگیر مایەی شانازییە و بەڕێزەوە لێیدەڕوانین.

لەبارەی دۆخی ئەمنی و مەترسیی پاشماوەکانی داعشەوە، سەرۆک بافڵ ئامادەبووانی لە بەرنامەی نوێ بۆ ئەنجامدانی چالاکییە سەربازییەکان بەرچاوڕوونکرد و داوایکرد، هاریکاری و هەماهەنگیی نێوان دەزگای ئەمنی و هەواڵگرییەکان لە هەرێم و عیراق فراوانتربکرێن و ئەم هەنگاوەشی بە فاکتەرێکی گرنگی ئارامی و سەقامگیری ناوبرد. 

لە بەشێکیتری کۆبوونەوەکەدا سەرۆک بافڵ هێزەکانی ئۆپەراسیۆنی راسپارد، پشتبەستوو بە یاسا و بڕیارەکانی دادگا بەهەموو شێوەیەک رووبەڕووی یاساشکێنان ببنەوە و دژی هەر هەوڵێک بوەستنەوە کە ئامانجەکەی دروستکردنی مەترسی و تێکدانی ئاسایش بێت. وتیشی، ژیان و ئارامیی خەڵک کاری لەپێشینەی ئێوەیە و دەبێت هەموو هەوڵەکانتان لەو پێناوەدا بێت، ئێمەش پاڵپشت و پشتیوانتان دەبین.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket