riklam

پەرلەمانتارێکی یەکێتی داوای کەرکوکییەکان دەخاتە بەردەم سودانی

کوردستان 10:02 PM - 2023-09-03
دیلان غەفور PUKMEDIA

دیلان غەفور

ئەندامێکی فراکسیۆنی یەکێتی لە ئەنجومەنی نوێنەرانی عیراق لە رایدەگەیەنێت، "وەک نوێنەرانی کەرکوک لە پەرلەمانی عیراق لەگەڵ محەمەد شیاع سوودانی سەرۆکوەزیران کۆبووینەوە و داوامان کرد سەرجەم دەستگیرکراوەکان ئازاد بکرێن، لێپێچینەوە لە خۆپیشاندەران نەکرێت و ھەڵکوتانە سەر ماڵان رابگیرێت".

دیلان غەفور، ئەندامی ئەنجومەنی نوێنەرانی عیراق لە فراکسیۆنی یەکێتی بە سایتی رەسمی یەکێتیی نیشتمانیی کوردستان PUKMEDIA ی راگەیاند: "کەمێک لەمەوبەر وەک نوێنەرانی کەرکوک لە پەرلەمانی عیراق لەگەڵ محەمەد شیاع سوودانی سەرۆکوەزیران کۆبووینەوە، تایبەت بە دۆخی کەرکوک و رشتنی خوێنی کوردو شەھیدو بریندارکردنی خۆپیشاندەران".

"بە سەرۆکوەزیرانم گوت، کاتی ئەم کۆبوونەوەیە زۆر درەنگەو شەش رۆژە خەڵک لەسەر شەقامەو دەبوو پێش رشتنی خوێنی شەھیدەکانمان ئەم کۆبوونەوەیە بکرایە تا ئەو مێژووە تاڵەی سەردەمی رژێمی بەعسی لەناوچوو بەسەرماندا دووبارە نەبێتەوە، من باسی ئەوەناکەم بارەگایەک بدرێتەوە یان نا، باسی ئەوە دەکەم سەرۆکوەزیران بۆ پێشتر نەھاتە سەرخەت، کۆبوونەوە ئێستا چ سوودی ھەیە دوای ئەوەی کە خوێن رژا؟!."، دیلان غەفور وادەڵێت.

دەشڵێت: "باسمان لە پشتگوێخستنی کوردو ناھاوسەنگیی کرد لە پۆستە ئەمنیی و ئیدارییەکانی کەرکوک کە سەرچاوەی بەشێک لە کێشەکانن، دوای گفتوگۆیەکی چڕ، بە فەرمیی چەند داواکارییەکمان خستە بەردەم سەرۆکوەزیران و سیفەتی بەپەلەی پێدا بۆ جێبەجێکردنیان".

"داوامان کرد سەرجەم دەستگیرکراوەکان ئازاد بکرێن، لێپێچینەوە لە خۆپیشاندەران نەکرێت و ھەڵکوتانە سەر ماڵان رابگیرێت، ھەروەھا قەرەبوی شەھید و بریندارانی خۆپیشاندانەکە بکرێتەوەو لێکۆڵینەوەش لە ئەشکەنجەدانی خۆپیشاندەران و دەستگیرکراوان بکرێت"، ئەندامەکەی ئەنجومەنی نوێنەران وادەڵێت.
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket