riklam

یەكێتی كارەكانی ئینستیوتی خوێندنی كوردی لە بەرلین بەرزدەنرخێنێت

ی ن ک 03:41 PM - 2023-01-25
ئارێز عەبدوڵڵا ئەندامی مەكتەبی سیاسی و دكتۆر فەریاد فازڵ عومەر سەرۆكی ئینستیوتی خوێندنی كوردی لە بەرلین  مەكتەبی گەشەپێدانی بیروهۆشیاری

ئارێز عەبدوڵڵا ئەندامی مەكتەبی سیاسی و دكتۆر فەریاد فازڵ عومەر سەرۆكی ئینستیوتی خوێندنی كوردی لە بەرلین

مەكتەبی گەشەپێدانی بیروهۆشیاری ئینستیوتی خوێندنی كوردی

یەكێتیی نیشتمانیی كوردستان سوپاس و دەستخۆشی لە دكتۆر فەریاد فازڵ و ئینستیوتی خوێندنی كوردی لە بەرلین دەكات، لە پای هەوڵ و ماندبوونیان لە ناساندنی زیاتری ئەدەبی رەسەنی كوردی.

ئارێز عەبدوڵلا ئەندامی مەكتەبی سیاسی و لێپرسراوی مەكتەبی گەشەپێدانی بیروهۆشیاری بەیاوەری بەشێك لە هەڤاڵانی مەكتەبی سیاسی و سەركردایەتی، هەڤاڵان، جوتیار نوری و رەهبەری سەیدبرایم و خەمینە ساڵح، پێشوازییان لە دكتۆر فەریاد فازڵ عومەر مامۆستای زمان و ئەدەب و مێژووی كوردو سەرۆكی ئینستیوتی خوێندنی كوردی لە بەرلین و مامۆستا رەفیق ساڵح بەڕێوەبەری بنكەی ژین كرد.

لە دیدارەكەدا بە ناوی یەكێتیی نیشتمانیی كوردستانەوە سوپاس و دەستخۆشی لە دكتۆر فەریاد فازڵ و ئینستیوتی خوێندنی كوردی لە بەرلین كرا، لە پای هەوڵ و ماندبوونیان لە ناساندنی زیاتری ئەدەبی رەسەنی كوردی و وەرگێڕانی چەندین بەرهەمی شیعری شاعیرانی كورد وەك ئەحمەدی خانی، مەلای جزیری و عەبدوڵلا گۆڕان. 

لە بەرامبەردا دكتۆر فەریاد فازڵ، وێڕای سوپاسگوزاری بۆ ئەو پێشوازییە گەرم و بەسەركردنەوەیە باسی لە هەوڵەكانی خۆی وەك ئەكادیمستێكی كورد و ئینستیوتی خوێندنی كوردی لە بەرلین كرد و رایگەیاند: "ئامانجی ئێمە ئەوەیە ئەدەبیاتی رەسەنی كوردی بۆ زمانی ئەڵمانی و ئینگلیزی و زمانەكانی دیكە وەربگێڕین، چونكە ئەو گواستنەوەیە بۆ كورد گرنگە و دەبێت كارێكی وابكەین كە نەتەوەكانی دیكە ئێمە لەڕێی ئەدەبیات و شارستانیەتە رەسەنەكەمانەوە بناسن".

هاوكات باس لە كار و پرۆژەی پێكەوەیی كرا و لەداهاتوودا مەكتەبی گەشەپێدانی بیروهۆشیاری هەماهەنگ بێت لەگەڵ بەڕێزیان بۆخزمەتی زیاتری ئەدەب و رۆشنیبیری كورد بە جیهان.

 

کوردێك خەڵاتی لێهاتوويی سەرۆککۆماری ئەڵمانیا وه‌رده‌گرێت


PUKMEDIA




Riklam

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket