فەهمی بورهان: PUKMEDIA سیاسەتی یەکێتی بەئەمانەتەوە گەیاندووە

کوردستان 08:23 PM - 2023-01-21

سەرۆکی دەستەی گشتی ناوچەکوردستانیەکانی دەرەوەی ئیدارەی هەرێم بۆ داگیرساندنی مۆمی ٢٠ ساڵەی تەمەنی پیرۆزبایی ئاڕاستەی سەرنوسەر و تەواوی ستافی PUKMEDIA دەکات.

 

دەقی پیرۆزبایی نامەکە...

بەڕێز کاک عەتا کەریم سەرنوسەری PUKMEDIA 
لە یادی هەڵکردنی مۆمی نوێی تەمەنی پیوکەی میدیا پیرۆزبای لە ئێوەو تەواوی نوسەران و کادرانی ئەم دەزگا میدیایە گرنگەتان لێ ئەکەم، پیوکەی میدیا لە رابردودا بە شێوەیەکی بابەتی لەگەڵ ڕوداوەکاندا هەنگاوی ناوەو لە لێکدانەوەی ڕوداوەکان و گەیاندنی هەواڵدا سەراست و بوێر بوە، سیاسەتی راست و ڕەوانی یەکێتی بە ئامانەتەوە گەیاندۆتە شەقامی کوردی و ناوەندە سیاسیێکانی کوردستان و عێراق، پیوکەی میدیا روبەرێکی فراوانی بۆ کەرکوک و ناوچە کوردستانیەکان تەرخان کردوە، بەهیوام بۆ داهاتوی کاری میدیایتان بە هەمان دیدو ستراتیژەوە خزمەت بە کاری میدیای بەگشتی و میدیای کوردی بە تایبەتی بکەن، جارێکی تر پیرۆزبای ئەم یادەتان لێ ئەکەم.

 

فەهمی بورهان عمر
سەرۆکی دەستەی گشتی ناوچەکوردستانیەکانی دەرەوەی ئیدارەی هەرێم
۲۱_۱_۲٠۲۳

PUKMEDIA