ئەندامێکی سەرکردایەتی: پەیامەکەی سەرۆک بافڵ پەرۆشییە بۆ یەکڕیزی کورد
کوردستان 06:47 PM - 2023-01-20سالار سەرحەد خەلیفە
ئەندامێکی سەرکردایەتی یەکێتی دەڵێت، پەیامەکەى سەرۆک بافڵ بەرپرسیارێتییە بۆ پشتیوانی لە پارچەکانی تری کوردستان و هەموو هێزە سیاسییەکانیشی خستوەتە بەردەم بەرپرسیاریەتی، هاوکات درکی بەبۆشایی سیاسی سەرۆک مامجەلال و کاک نەوشیروان مستەفا کردوەو هەنگاوی کرداری ناوە بۆ داڕشتنی نەخشە ڕێگایەکی سیاسی نوێ.
سالار سەرحەد خەلیفە یونس ئەندامى سەرکردایەتى و لێپرسراوى بۆردى پەیوەندییە کوردستانییەکانى یەکێتی لە لێدوانێکیدا بۆ سایتی رەسمی یەکێتیی نیشتمانیی کوردستان PUKMEDIA سەبارەت بە پەیامى سەرۆک بافڵ بۆ یەکریزى نیشتیمانى کوردستان رایگەیاند: "لەو پەیامەدا سەرۆک بافڵ تاڵەبانى سەرۆکى یەکێتیى نیشتیمانیى کوردستان، بەڕوون و راشکاوی بە هەموو لایەنەکان بە تایبەت پارتى دیموکراتى کوردستان دەڵێت "ئێستا کورد لە هەموو قۆناغێک زیاتر پێویستی بە یەکریزی و یەکهەڵوێستی هەیە، بۆ رێکخستنەوەی ناو ماڵەکەی و خۆ سازدان بۆ بەرگری لە مافەدەستورییەکانی لە بەغدا، و پێداگرى لەسەر پشکی هەرێم لە بودجە و پاراستنى دەستکەوتەکانمان".
سەرۆکی یەکێتی تەرکیزی خستوەتە پرسی نەتەوەیی
"سەرۆکى یەکێتى نیشتیمانى کوردستان لە پەیامەکەیدا زیاتر تەرکیزی خستۆتەسەر پرسە نەتەوەیی و نیشتمانییەکان، بەتایبەت ئەو پرسانەی کە پەیوەستن بە ماف و گوزەران و شایستە داراییەکانى کۆمەڵانى خەڵکى کوردستان، و جێبەجێکردنی مافە دەستوورییەکانی کورد و ماددەی 140، و رێکخستنەوەى هێزى پێشمەرگەى کوردستان" سالار سەرحەد وایوت.
لێپرسراوى بۆردى پەیوەندییە کوردستانییەکانى یەکێتی رایگەیاند: "پەیامەکەى سەرۆک بافڵ بەرپرسیارێتییە بۆ پشتیوانی لە پارچەکانی دیکەی کوردستان، هاوکات هەموو هێزە سیاسییەکانیشى خستۆتە بەردەم بەرپرسیارێتى مێژووى و بە بیرى هێناونەتەوە، ئەو کاتەى کە سەرکردە و کارەکتەرە سیاسییەکانی کورد، وەک یەک تیمى نیشتیمانى لە ئەنجوومەنى حکوم بەشداریان کرد لە بونیادنانەوەى عێراقێکى دیموکراتى فیدڕاڵ و نوسینەوەى دەستور، و چەسپاندنى مافەکانى گەلى کورد، هاوکات کە "سەرۆک مام جەلال" و (کاک مەسعود)یش، رێککەوتنی ستراتیجیان ئیمزاکرد، هەرێمى کوردستان لە قۆناغی زێڕینی سیاسی ئەمنی و ئابوریدا بوو، بۆیە پێویستە سەرکردایەتی کورد و بەتایبەتی تریش سەرکردایەتی پارتی دیموکراتی کوردستان سوود لەو ئەزموونە وەربگیرێت".
وەک سەرکردەیەکى نیشتیمانى هەنگاوی کردارى ناوە بۆ داڕشتنی نەخشە رێگایەکی سیاسی نوێ
سالار سەرحەد خەلیفە یونس دەشڵێت: "سەرۆک بافڵ تاڵەبانى درکى بە بۆشایى سیاسەتى حەکیمانەى "سەرۆک مام جەلال"، لە هەرێم و عێراق و ناوچەکە، و سیاسەتى مەیدانى و راشکاوانەى (ڕەوانشاد کاک نەوشیروان)، کردووە، بۆیە وەک سەرکردەیەکى نیشتیمانى هەنگاوی کردارى ناوە بۆ داڕشتنی نەخشە رێگایەکی سیاسی نوێ و بەرپرسیارێتیەکى گەورەى مێژووى و سیاسیشى خستۆتە ئەستۆى خۆى، کە ستراتیجێکی روون و پانتاییەکی گەورەى لێکتێگەیشتنى خستۆتە بەردەم لایەنەکان، بۆ یەکلاکردنەوەى کێشەکان و کۆتایهێنان بە بنەبستى سیاسى و دروستکردنى کۆدەنگى نیشتیمانى.
ئەوەش دەڵێت: "دەستپێشخەرییەکانى رابردووى (سەرۆک بافڵ)، بۆ یەکریزى، سەلماندوێتى تاکرەوى و میتۆدى کەمینە و زۆرینەى بۆ بەرێوەبردنى ئەم ئەزموونە، سەرکەوتوو نابێت و کورد لێى زەرەرمەندەبێت، بۆیە گرنگە کە تەبایی و یەکریزی ناوماڵی کورد لە هەرێمى کوردستان و بەغداد رەنگدانەوەی هەبێت، هەر لەو سۆنگەیەشەوە سەرۆک بافڵ دەستپێشخەرى کردووە بۆ کۆبوونەوەى لەگەڵ پارتى دیموکراتى کوردستان، لەماوەى رابردووش لەسەر هەمان سیاسەتى پیرۆزى سەرۆک مام جەلال، و لە ماڵەکانى (مام)، لە (دوکان و بەغدا)، چەترى کۆکەرەوەى هێزە سیاسییە کوردستانییەکان، و هێزە عێراقییەکان بووە، (سەرۆک بافڵ)، جارێکى تر ماڵى مامى کردەوە بە ماڵى چارەسەری کێشە سیاسییەکان.
سەرۆک بافڵ خەمی پاراستنی ئاسایش و سەقامگیری هەرێم بووە
"سەرۆک بافڵ لە کۆبوونەوەکانى (دوکان و بەغداد)، لە خەمی یەکڕیزی و پاراستنى مافى کورد لە بەغداد، و پاراستنى ئاسایش و سەقامگیرى هەرێمى کوردستان وعێراق بووە، لە کۆبوونەوەکانى داهاتووش (بافڵ تاڵەبانى)، کۆڵنادات و دەیەوێت یەکڕیزی بێتە ئاراوە، و سەنگ و دەنگى کورد لە بەغداد بەهێز بێت و کوردستانیش ئاوەدانتربێت"٫ سالار سەرحەد وایوت.
سالار سەرحەد وتیشى: "پەیامەکەى سەرۆکى یەکێتى نیشتیمانى کوردستان، کاریگەری و رەنگدانەوە زۆری لە سەر پێگەی هەرێمی کوردستان و مافەرەواکانی گەلی کورد لە بەغداد دەبێ... ئێستاش قەوارەى هەرێمی کوردستان و پاراستنى ماف و دەستکەوتەکانمان لە بەغداد، پێویستی بەوەهەیە هەموو هێزە سیاسییەکان بەبێ جیاوازى و بەبێ رەچاوکردنى ژمارەى کورسى پەرلەمان، خۆیان بە بەرپرسی هەموو پرس و کێشەکان بزانن٫ بۆیە پەیامەکەى (19/1/2023)-ى سەرۆک بافڵ زۆر روونە، کە تێکدانی یەکڕیزی نیشتیمانی، و سەرقاڵکردنى خەڵک بە ململانێکانەوە، خیانەتە و خزمەت بەم هەرێمە ناکات".
سەروەریەکەی یەکێتی بەلاوەنانی بەرژەوەندی حزی هاتۆتە کایەوە
لێپرسراوى بۆردى پەیوەندییە کوردستانییەکانى یەکێتی لە دیمانە رۆژنامەوانییەکەی بۆ PUKMEDA ئاماژەى بۆ ئەوەشکرد: "دەستپێشخەرییەکانى یەکێتى نیشتیمانى کوردستان بۆ رێککەوتن لەگەڵ لایەنە کوردستانییەکان، لە بنەڕەتدا بۆ پاراستنی کیانی هەرێم، وچاکسازی لە حوکمڕانی و خۆشگوزەرانی کۆمەڵانى خەڵکى کوردستانە، ئەم سەروەریەى یەکێتیش بە لاوەنانی بەرژەوەندی حیزبی و تاکە کەسی هاتۆتە دی".
دەشڵێت: "هاوپەیمانیەتی ستراتیژی (یەکێتى و پارتى)، لەرابردوو توانی زۆر کاری گرنگ بکات، دیارترینیان کارکردنی پێکەوەیی و یەکتر قبوڵکردن بووە، ئەگەر بەشێوەیەکی کاڵیش بوبێت، بۆ ئێستاش گرنگە کە سازانی لایەنەکان هەبێت، و رێکەوتن و هاوپەیمانیەتیەکان ئامانجەکانی بگۆردرێن و گشتگیر بکرێت و یەکریزیەکی نیشتیمانی پێکیهێنرێت".
PUKMEDIA
هەواڵی زیاتر
-
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
01:21 PM - 2024-04-18 -
قوباد تاڵەبانی: هیچ هۆکارێک بوونی نییە بۆ دواخستنی هەڵبژاردن
08:53 PM - 2024-04-17
ئەمانەش ببینە
کوردستان 05:05 PM - 2024-04-18 ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
ئهنجومهنی سهركردایهتی بۆ ئامادهكارییهكانی ههڵبژاردن كۆدهبێتهوه
10:01 AM - 2024-04-18
سەرۆک بافڵ و سەید عەممار حەکیم: گفتۆگۆی بنیاتنەرانە لە پێناوی سەقامگیریدا بێت
10:06 PM - 2024-04-17
زۆرترین خوێنراو
-
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
کوردستان 01:21 PM - 2024-04-18 -
کۆمسیۆن وادەی بانگەشەی هەڵبژاردن دیاریدەکات
کوردستان 10:29 AM - 2024-04-18 -
ئێزدییەكان ، دیرۆك و دابونەریتیان
کوردستان 10:05 AM - 2024-04-18 -
ئهنجومهنی سهركردایهتی بۆ ئامادهكارییهكانی ههڵبژاردن كۆدهبێتهوه
کوردستان 10:01 AM - 2024-04-18 -
سەرۆک بافڵ و سەید عەممار حەکیم: گفتۆگۆی بنیاتنەرانە لە پێناوی سەقامگیریدا بێت
کوردستان 10:06 PM - 2024-04-17 -
سبەینێ ئەنجومەنی سەرکردایەتی یەکێتی کۆدەبێتەوە
کوردستان 09:42 PM - 2024-04-17 -
قوباد تاڵەبانی: هیچ هۆکارێک بوونی نییە بۆ دواخستنی هەڵبژاردن
کوردستان 08:53 PM - 2024-04-17 -
وەفدێکی یەکێتی بەشداری جەژنی سەری ساڵی ئیزدییەکان دەکات
ی ن ک 08:17 PM - 2024-04-17