سەرۆک بافڵ و کونسوڵی بەریتانیا: هەوڵەکان بۆ حوکمرانی تەندروست یەکبخرێن

نوسینگەی رۆژژنامەوانی بافڵ جەلال تاڵەبانی

کۆبوونەوەی سەرۆک بافڵ و کونسوڵی بەریتانیا

بافڵ جەلال تاڵەبانی سەرۆکی یەکێتیی نیشتمانیی کوردستان لە دەباشان پێشوازیکرد لە ڕۆزی کەیڤ، کونسوڵی نوێی بەریتانیا لە هەرێمی کوردستان.

‌‎لە دیدارەکەدا ئاسۆ مامەند و شاناز ئیبراهیم ئەحمەد ئەندامانی دەستەی کارگێڕی ئامادەبوون، سەرۆک بافڵ وێڕای پیرۆزباییکردن لە کونسوڵی نوێی بەریتانیا لە هەرێم، هیوای سەرکەوتنی بۆ خواست و داوایکرد هاوكاربێت لەبەرەوپێشچوونی پەیوەندییەكان.

‌‎لە درێژەی دیدارەكەدا دۆخی سیاسیی هەرێم و عیراق، ئازادی رادەربڕین و رووبەڕووبوونەوەی تیرۆر گفتوگۆی لەبارەوەكرا و هەردوولا جەختیان لە یەكخستنی هەوڵەكان كردەوە لەپێناو پاراستنی سەقامگیری و حومكڕانییەكی تەندروست لە وڵاتدا.

‌‎سەبارەت بە هەماهەنگییە کەلتووری و فەرهەنگییەکان هەردوولا جەختیان لە پەرەپێدانی پەیوەندییەکان و فراوانکردنی هاریکارییەکانی نێوان بەریتانیا و هەرێمی کوردستان کردەوە.

PUKMEDIA