سه‌رۆك كۆمار له‌داڤۆس له‌گه‌ڵ سه‌رۆكی كۆریای باشوور كۆده‌بێته‌وه‌

نوسینگەی راگەیاندنی سەرۆکایەتی کۆمار

دكتۆر له‌تیف جه‌مال ره‌شید سه‌رۆك كۆماری عیراق

دكتۆر له‌تیف جه‌مال ڕه‌شید سه‌رۆك كۆماری عیراق ، له‌ په‌راوێزی كۆڕبه‌ندی ئابووری داڤۆس له‌گه‌ڵ به‌ڕێز یون سۆك یول سه‌رۆكی كۆریای باشوور كۆبووه‌وه‌.

له‌ میانی دیداره‌كه‌دا باس له‌ په‌یوه‌ندییه‌كانی نێوان هه‌ردوو وڵاتی دۆست و چۆنیه‌تی په‌ره‌پێدانیان كرا، له‌ بواره‌كانی بازرگانی و وه‌به‌رهێنان ، هه‌روه‌ها  پێشهاته‌كانی ئێستای گۆڕه‌پانی نێوده‌وڵه‌تی به‌ شێكی دیكه‌ی  دیداره‌كه‌دا بوو .

 سه‌رۆك كۆمار ئاماژه‌یكرد به‌ گرنگی په‌یوه‌ندییه‌كانی نێوان عێراق و كۆریای باشوور و پێویستی پاراستنی هه‌ماهه‌نگی و ڕاوێژكاری نێوان هه‌ر دوو وڵات له‌سه‌ر مه‌سه‌له‌ جۆراوجۆره‌كان و هاریكاریكردن له‌ بواره‌كانی خزمه‌تگوزاری و ژێرخانی ئابووری به‌ شێوه‌یه‌ك كه‌ خزمه‌ت به‌ به‌رژه‌وه‌ندیی هاوبه‌ش بكات .

 سه‌رۆكی كۆریای باشوور خۆشحاڵی خۆی ده‌ربڕی به‌ و ڕۆڵه‌ گرنگه‌ی عێراق ده‌یبینێ له‌ ناوچه‌كه‌دا و جه‌ختیكرده‌وه‌ له‌ پاڵپشتی وڵاته‌كه‌ی بۆ هه‌وڵی عێراقیه‌كان له‌ پێناو چه‌سپاندنی سه‌قامگیری و ئاسایش.

PUKMEDIA