riklam

فەیسەڵ کەریم خان: تاکڕەوی و خۆسەپێنی ئەنجامی خێری نابێت

کوردستان 03:09 PM - 2023-01-17
فەیسەڵ کەریم خان برادۆستی ئەندامی سەرکردایەتی یەکێتی نیشتیمانی کوردستان

فەیسەڵ کەریم خان برادۆستی ئەندامی سەرکردایەتی یەکێتی نیشتیمانی کوردستان

ئەندامێکی سەرکردایەتی یەکێتی نیشتیمانی کوردستان لە پەیامێکدا رایدەگەیەنێت، "دۆخی سیاسی کوردستان لە ئەنجامی ئیدارەدانی تاکڕەوانە لە بڕیار، گەیشتووە بە ئاستێکی ناهەموار و ناسەقامگیر".

تاکڕەوانە لە بڕیاردان دۆخی سیاسی کوردستانی تێکداوە

فەیسەڵ کەریم خان برادۆستی ئەندامێکی سەرکردایەتی یەکێتی نیشتیمانی کوردستان بە سایەتی رەسمی یەکێتیی نیشتمانیی کوردستان PUKMEDIA ی راگەیاند: "دۆخی سیاسی کوردستان، لە ئەنجامی خراپی ئیدارەدانی تاکڕەوانە لە بڕیار، گەیشتووە بە ئاستێکی ناهەموار و ناسەقامگیر. بێشک، ئەم جۆرە لە ئیدارەدانی تاکڕەوانە و خۆسەپێنییە، ئەنجامی خێری نابێت بۆ کوردستان. لەو ئان و ساتە ناهەموارەشدا، باوەڕی تەواومان بە هەنگاوەکانی تیمی یەکێتی نیشتیمانی کوردستان و سەرۆکی تیمەکەمان و برای خۆشەویستمان کاک قوباد هەیە، کە بە حەکیمانە و پشوو درێژی خۆی لە بەرژەوەندی گشتی ئەم دۆخە تێدەپەڕێنن.

گەر تاکڕەوی نەوەستێندرێت، دەرئەنجامی زۆر نەرێنی دەبێت

"سەرباری باوەڕبوونمان لە هەموو ئان و ساتێکدا بە یەکڕیزی نیشتیمانی، و باوەڕی چەسپاومان بە لێکتێگەیشتن و چارەسەرکردنی کێشەکان بە دایەلۆگ و لێکتێگەیشتن، باوەڕمان وایە ئەگەر ئەم تاکڕەوییە نەوەسرێندرێت، دەرەنجامی زۆر نەرێنی دەبێت و کاریگەرییە خراپەکانی قۆناغ قۆناغ زیاتر دەردەکەون"، ئەندامەکەی سەرکردایەتی یەکێتی وادەڵێت.
دەشڵێت: "پشتیوانیمان بۆ هەنگاوەکانی کاک قوباد و تیمەکەی دووپات دەکەینەوە، و دڵنییان دەتوانن بە باشترین شێوە نوێنەرایەتی دەنگی تەواوی یەکێتی و کۆمەڵانی خەڵکی کوردستان بن".
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket