riklam

شەفافیەت: داهاتی مانگێکی سلێمانی نزیکەی 30 ملیار دینارە

ئابوری 04:08 PM - 2023-01-15
شەفافییەت

شەفافییەت

بەپێی داتای سایتی شەفافیەت داهاتی یەك مانگی سلێمانی نزیکەی 30 ملیار دینارە و رۆژانە سەرجەم داتا و زانیاری لەسەر داهاتی نانەوتی سنووری سلێمانی بڵاودەکاتەوە و بۆ یەکەمین جارە لەماوەی 30 ساڵی تەمەنی حکومەتی هەرێم دا شەفافییەت لە داهاتدا هەبێت، ئەویش تەنها لە سنووری سلێمانی دا کە قوباد تاڵەبانی پرۆژەکەی راگەیاندووە.

سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی یەك مانگی سلێمانی لە رۆژی 15-12- 2022 تا 15-1-2023، بڵاوکردەوە کە بڕی 29 ملیار و 909 ملیۆن و 494 هەزار و 562 دینار بووە، بەجۆرێك كە زیاد لە 26 ملیار دیناری نەختینەیە و هەروەها زیاد لە 3 ملیار دینار بەشێوەی چەكە و زیاد لە 54 ملیۆن مقاصەیە.

 هەربەپێێ سایتی شەفافییەت داهاتی ئەمڕۆی سنووری پارێزگای سلێمانی و دەوروبەری، 2 ملیار و 63 ملیۆن و 365 هەزار و 127 دینار بووە کە 1 ملیار و 702 ملیۆن و 883 هەزار و 10 دیناری نەختینە بووە و 360 ملیۆن و 482 هەزار و 177 دینار بەشێوەی چەک بووە.

رۆژی 15-12-2022 دوای 30 ساڵ، حكومەتی هەرێمی كوردستان لەسەر دەستی قوباد تاڵەبانی بوو بەخاوەنی پرۆژەی شەفافییەت لە داهات و خەرجی.

ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لەسایتی شەفافییەتەوە بزانیت.

بەپێی نوێترین ئاماری سایتی شەفافییەت   www.shafafiat.com، بڕیاریشە هەموو رۆژێك داهاتی سنووری پارێزگای سلێمانی و هەڵەبجە و هەردوو ئیدارەی سەربەخۆی گەرمیان و راپەڕین بڵاوبکرێتەوە.
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket