بڕیارێكی دیكه‌ی دیداری یەکێتی جێبه‌جێ كرا

بڕیارێكی دیكه‌ی دیداری یەکێتی جێبه‌جێ كرا

به‌سه‌رپه‌رشتی سه‌رۆكی یه‌كێتیی نیشتمانیی كوردستان كۆمه‌ڵه‌ی رێكخستنه‌ دێرینه‌كان و ده‌سته‌ی داكۆكیكار له‌ رێكخستنه‌ دێرینه‌كان یه‌كیانگرته‌وه‌.

كاوه‌ سه‌لیم ئه‌ندامی سه‌ركردایه‌تی له‌ لیژنه‌ی رێكخراوه‌كان و په‌یوه‌ندییه‌كان و پێشمه‌رگه‌ له‌ دیداری یه‌كێتی بۆ سایتی ره‌سمی یه‌كێتیی نیشتمانیی كوردستان PUKMEDIA  رایگه‌یاند: "له‌ چوارچێوه‌ی جێبه‌جێكردنی راسپارده‌كانی دیداری یه‌كێتی ئه‌مڕۆ به‌سه‌رپه‌رشتی بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان له‌مه‌كته‌بی سیاسی كۆمه‌ڵه‌ی رێكخستنه‌ دێرینه‌كان و ده‌سته‌ی داكۆكیكار له‌ رێكخستنه‌ دێرینه‌كان یه‌كیانگرته‌وه‌".

" له‌ مه‌راسیمه‌كه‌دا سه‌رۆك بافڵ به‌ڵێنی پێدان كه‌ پشتیوانی ماددی و مه‌عنه‌وی رێكخستنه‌ دێرینه‌كان بێت و هه‌روه‌ها چاودێری كاره‌كانیشیان بكات"، كاوه‌ سه‌لیم وایوت.

ده‌شڵێت: "له‌سه‌ر راسپارده‌كانی دیدار، چه‌ندین كۆمه‌ڵه‌ی تر یه‌كده‌گرنه‌وه‌و له‌ژێر یه‌ك چه‌تردا ده‌بن، به‌نمونه‌ وه‌ك كۆمه‌ڵه‌ی پێشمه‌رگه‌ دێرینه‌كان و كۆمه‌ڵه‌ی پیشمه‌رگه‌ دانه‌بڕاوه‌كان و كۆمه‌ڵه‌ی كه‌مئه‌ندامانی سه‌نگه‌ر ده‌كرێن به‌یه‌ك كۆمه‌ڵه‌".

كاوه‌ سه‌لیم ئه‌وه‌شی خسته‌ڕوو: "هه‌موو ئه‌و داواكارییانه‌ی له‌دیداری یه‌كێتی بڕیاری لێدراون به‌شێكی زۆریان جێبه‌جێ كراون ئه‌و بڕیارانه‌شی ماون له‌ئێستادا وا جێبه‌جێ ده‌كرێن". 

PUKMEDIA