هەرێم كەمال ئاغا: یەكێتی دیالۆگی كردووەتەوە چارەسەر بۆ كێشەكانی نێوان هەولێر وبەغدا

فۆتۆ.. فڕاكسیۆنی یەكێتی لەبەغدا

ئەمڕۆ لە بەغدا هەرێم كەمال ئاغا، سەرۆكی فڕاكسیۆنی یەكێتی پێشوازیی لە جەیمس ئۆتس بەرپرسی بەشی سیاسی و رۆبن كۆنیلی سكرتێری سیاسی ـ سەربازی لە باڵیۆزخانەی بەریتانیا كرد .

لە دیدارێكدا كە كوردۆ عومەر و د. گەیلان قادر، ئەندامانی فڕاكسیۆن ئامادەی بوون  باس لە كۆی گشتی پڕۆسەی سیاسی عیراق و كێشەكانی نێوان هەولێر وبەغدا و بەتایبەتی رۆڵی سەرۆك بافڵ جەلال تاڵەبانی لە چارەسەركردنی كێشە هەڵپەسێرداراوكان كرا.

هەرێم كەمال ئاغا رونی كردەوە: "كە یەكێتیی نیشتیمانیی كوردستان بەردەوامە لەسەر سیاسەت و فەلسەفی سەرۆك مام جەلال كە هەمیشە تەئكیدی لە دیالۆگ ولێكتێگەیشتن كردووەتەوە بۆ چارەسەر كردنی كێشەكانی پڕۆسەی سیاسی عێراق وكێشەكانی نێوان هەولێر وبەغدا".

PUKMEDIA