riklam

یه‌كێتی كێشه‌ی نیوسه‌ده‌ی ئێزدییه‌كان چاره‌سه‌ر ده‌كات

کوردستان 03:25 PM - 2023-01-10
شەنگال

شەنگال

نزیكه‌ی نیوسه‌ده‌یه‌ ئێزدییه‌كان له‌هه‌رێمی كوردستان كێشه‌ی تاپۆكردنی موڵك و ماڵیان له‌سه‌ر زێدی خۆیان له‌شه‌نگال و ده‌وروبه‌ری هه‌یه‌، به‌ڵام یه‌كێتیی نیشتمانیی كوردستان كۆتای به‌و كێشه‌یه‌ هێناو بڕیاری تاپۆكردنی له‌لایه‌ن حكومه‌تی عیراقه‌وه‌ بۆ ده‌ركرد.

ئه‌م كێشه‌یه‌ نزیكه‌ی 50 ساڵه‌ له‌لایه‌ن حكومه‌تی عیراق و 30 ساڵ زیاتریشه‌ له‌لایه‌ن حكومه‌تی هه‌رێمه‌وه‌ چاره‌سه‌ر نه‌كراوه‌، به‌ڵام هه‌وڵه‌كانی یه‌كێتی له‌ دروشمه‌وه‌ بوو به‌ كردارو له‌ كارنامه‌ی حكومه‌تی سودانی دا له‌لایه‌ن سه‌رۆكی یه‌كێتیه‌وه‌ پێداگری لێكراو كه‌وته‌بواری جێبه‌جێ كردنه‌وه‌، كه‌ خۆشحاڵی ئێزدییه‌كانی لێكه‌وته‌وه‌.

سه‌رۆك بافل له‌سه‌ر رێبازه‌كه‌ی مام گرنگی به‌ ئێزدییه‌كان ده‌دات

رۆنزی زیاد ئه‌ندامی ئه‌نجومه‌نی نوێنه‌رانی عیراق له‌فراكسیۆنی یه‌كێتی به‌ سایتی ره‌سمی یه‌كێتیی نیشتمانیی كوردستان PUKMEDIA ی راگه‌یاند: "ئێزدییه‌كان نزیكه‌ی 50 ساڵه‌ به‌ده‌ست داگیركردنی زه‌وی و زاره‌كانییانه‌وه‌ ده‌ناڵێنن، به‌ڵام هه‌وڵه‌كانی سه‌رۆكی یه‌كێتی بۆ تاپۆكردنی زه‌وی و زاره‌كانمان جێی ده‌ستخۆشیه‌و قه‌ره‌بوویه‌كی باشه‌ بۆ ئه‌و هه‌موو زوڵمه‌ی له‌ئێمه‌ی ئێزدی كراوه‌".
"سه‌رۆك مام جه‌لال هه‌میشه‌ گرنگی به‌ ئێزدییه‌كان ده‌داو پشتگیری ده‌كردن، خۆشبه‌ختانه‌ سه‌رۆك بافڵ جه‌لال تاڵه‌بانی-یش له‌سه‌ر هه‌مان رێباز خزمه‌تی ئێزدییه‌كان ده‌كات و ئێمه‌ وه‌ك ئێزدییه‌كان سوپاسی ده‌كه‌ین كه‌ بڕیاری تاپۆكردنی موڵك و ماڵی ئێزدییانی خسته‌ كارنه‌مه‌كه‌ی سودانییه‌وه‌"، رۆنزی زیاد وایوت.

بڕیاره‌كه‌ ئێزدییه‌كان ده‌گه‌ڕێنێته‌وه‌

چاره‌سه‌ری كێشه‌ی 47 ساڵه‌ی داگیركردنی زه‌وی و زاری ئێزدییه‌كان، هانده‌رێكی باش ده‌بێت بۆئه‌وه‌ی بگه‌ڕێنه‌وه‌ بۆ زێدی خۆیان، ئه‌وه‌ی حكومه‌تی هه‌رێمی كوردستان به‌ زیاتر له‌ 30 ساڵ نه‌یتوانی بۆ ئێزدییه‌كانی بكات، به‌هه‌وڵی سه‌رۆكی یه‌كێتی حكومه‌تی عیراق جێبه‌جێیكرد.
غه‌یاس سورچی لێپرسراوی راگه‌یاندنی مه‌ڵبه‌ندی موسڵی یه‌كێتی له‌ لێدوانێكیدا بۆ سایتی ره‌سمی یه‌كێتیی نیشتمانیی كوردستان PUKMEDIA رایگه‌یاند: "كێشه‌ی زه‌وی و زاری ئێزدییه‌كان بۆ نزیكه‌ی 50 ساڵ له‌مه‌وپیش ده‌گه‌ڕێته‌وه‌و ده‌بوو حكومه‌تی هه‌رێم له‌ماوه‌ی 30 ساڵی رابردوودا ئه‌م بڕیاره‌ی بدایه‌، به‌ڵام له‌ئێستادا به‌هه‌وڵی سه‌رۆك بافڵ، سه‌رۆك وه‌زیرانی عیراق بڕیاری چاره‌سه‌ری ئه‌و كێشه‌یه‌ی ده‌كرد كه‌ ئه‌وەش باوه‌ڕی راسته‌قینه‌ی یه‌كێتییه‌ به‌مافی پێكهاته‌كان به‌گشتی و له‌ناویاندا ئێزدییه‌كان".
"له‌كۆتای ساڵی رابردوو به‌هه‌وڵی بافڵ جه‌لال تاڵه‌بانی دوای چه‌ندین دانیشتن له‌گه‌ڵ محه‌مه‌د شیاع سودانی سه‌رۆك وه‌زیرانی عیراق و هاوكات به‌هه‌وڵی نوێنه‌رانی یه‌كێتی له‌به‌غدا بڕیاردرا زه‌وی و زاره‌كانیان به‌ ره‌سمی به‌ناوی خوشك و برایانی ئێزدی بكرێن، كه‌له‌سه‌نته‌ری شه‌نگال و هه‌ردوو ناحیه‌ی تلعوزێر و سنونێ بێت"، سورچی وایوت.
لێپرسراوی راگه‌یاندی مه‌ڵبه‌ندی موسڵی یه‌كێتی ده‌شڵێت: "جێبه‌جێكردنی ئه‌م بڕیاره‌ بۆ ئێزدییه‌كان زۆر دڵخۆشكه‌ره‌و رێگایان بۆ خۆش ده‌كات زیاتر بگه‌ڕێنه‌وه‌ بۆ زێدی خۆیان، ته‌نانه‌ت بۆ ئه‌وانه‌ش كه‌له‌ ئه‌وروپا ده‌ژین".

 

"له‌ 12ی كانوونی یه‌كه‌می 2022 ئه‌نجومه‌نی وه‌زیرانی عیراق بڕیارێكی بۆ دۆزینه‌وه‌ی چاره‌سه‌رێكی گشتگیر و هه‌میشه‌یی بۆ ئێزدییه‌كانی شه‌نگال په‌سه‌ند كرد، به‌پێی بڕیاره‌كه‌ زه‌وییه‌كانیان له‌ 11 كۆمه‌ڵگه‌ی نیشته‌جێبوون تاپۆ ده‌كرێن له‌سه‌ر خاوه‌نه‌كانیان".
هاوكات له‌په‌یامێكدا بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان ستایشی بڕیاره‌كه‌ی محه‌مه‌د شیاع سودانی، سه‌رۆكوه‌زیرانی عیراقی كردو رایگه‌یاند: "ستایشی بڕیاره‌كه‌ی محه‌مه‌د شیاع سودانی، سه‌رۆكوه‌زیرانی عیراق ده‌كه‌ین سه‌باره‌ت به‌ ته‌ملیككردنی ئه‌و زه‌وی، موڵك و خانوانه‌ی كه‌ خوشك و برا ئێزدییه‌كان له‌شه‌نگال له‌ساڵی 1975 ه‌وه‌ تێیدا نیشته‌جێن و له‌لایه‌ن حكومه‌تی به‌عسی رووخاوه‌وه‌ لێی بێبه‌شكرابوون".

لای خۆشیه‌وه‌ جینین هێنیس-پلاسخارت نوێنه‌ری تایبه‌تی سكرتێری گشتی نه‌ته‌وه‌ یه‌كگرتووه‌كان له‌عیراق رایگه‌یاند: "بڕیاره‌كه‌ی سه‌رۆك وه‌زیران كۆتایی به‌ ده‌یان ساڵه‌ی جیاكاریی ده‌هێنێت و هیوادارین ئه‌م بڕیاره‌ له‌ئازاری ئێزدییه‌كان كه‌مبكاته‌وه‌ و هانی گه‌ڕانه‌وه‌یان بدات بۆ شه‌نگال ".
PUKMEDIA

Riklam

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket