سەرکەوت زەکی: یەکێتی بایەخ بە کاری رێکخراوەیی لە موسڵ دەدات

سەرکەوت زەکی لێپرسراوی مەکتەبی رێکخستن بەیاوەری مامۆستا کاکە رەش ئەندامی سەرکردایەتی و ژمارەیەک لە ئەندامانی مەکتەبی رێکخستن سەردانی مەڵبەندی رێکخستنی 7ی نەینەوای کرد و لەلایەن ئاراس ئاغا لێپرسراوی مەڵبەندو کادرانی مەڵبەندەوە  پێشوازییان لێکرا. 

لە چەند کۆبونەوەیەکدا لەگەڵ  ئەنجومەنی مەڵبەند و دەستەی کارگێڕ و بەشێکی زۆری چین و توێژەکانی سنوری مەڵبەندی موسڵ، بەرنامەی کار و پەرەپێدانی زیاتر ژیانی حزبی خرایەڕوو. 

لێپرسراوی مەکتەبی رێکخستن  گێڕانەوەی بارەگای مەڵبەندی موسڵی بەگرنگزانی و سڵاوی سەرۆک بافڵ جەلال تاڵەبانی و سەرکردایەتی یەکێتی پێڕاگەیاندن و روونیکردەوە یەکێتی بایەخی تایبەت  بە موسڵ دەدات و وتی:" موسڵ شاری پێکەوەژیان وبرایەتی و  رەنگەجیاوازەکانە و  یەکێتی خۆی بەخەمخۆرو دڵسۆزی خەڵکی موسڵ وشارەکەدەزانێت" و راشیگەیاند :"یەکێتی دەیەوەێت خزمەت بەم شارەش بکات وڕەسەنایەتی ئەم شارە  و بگەڕێتەوە". 

بەشێکی دیکەی ئامانجی سەردانی تایبەت بوو بەکاری رێکخراوەی وپێدانی رێنمای بەجێ بۆشێوازی نوێی کارکردنی حزبی لەسنورەکە.

PUKMEDIA