riklam

سه‌رۆك كۆمار و عه‌مار حه‌كیم ته‌ئكید له‌پشتیوانی حكومه‌ت ده‌كه‌نه‌وه‌

عیراق 03:08 PM - 2023-01-08
دكتۆر له‌تیف جه‌مال ره‌شید سه‌رۆك كۆماری عیراق و سه‌ید عه‌ممار حه‌كیم سه‌رۆكی ر‌ه‌وتی حیكمه‌ی نیشتمانی

دكتۆر له‌تیف جه‌مال ره‌شید سه‌رۆك كۆماری عیراق و سه‌ید عه‌ممار حه‌كیم سه‌رۆكی ر‌ه‌وتی حیكمه‌ی نیشتمانی

دكتۆر له‌تیف جه‌مال ره‌شید سه‌رۆك كۆماری عیراق، پێشوازیكرد له‌ سه‌ید عه‌ممار حه‌كیم سه‌رۆكی ر‌ه‌وتی حیكمه‌ی نیشتمانی.

له‌ میانی دیداره‌كه‌دا بیروڕ‌ا ئاڵوگۆڕ‌ كرا سه‌باره‌ت به‌ پێشهاته‌ سیاسییه‌كانی وڵات، هه‌روه‌ها جه‌ختكرایه‌وه‌ له‌سه‌ر پێویستی پاڵپشتیكردنی حكومه‌ت بۆ ئه‌وه‌ی بتوانێت به‌رنامه‌ی كاری خۆی به‌ باشترین شێوه‌ جێبه‌جێ بكات، كه‌ ئامانجی پێشكه‌شكردنی خزمه‌تگوزاریی و دابینكردنی پێویستی هاووڵاتیانه‌.

له‌و چوارچێوه‌یه‌دا هه‌ردوولا جه‌ختیانكرده‌وه‌ له‌سه‌ر گرنگی ‌په‌له‌كردن له‌ په‌سه‌ندكردنی بودجه‌ بۆ ئه‌وه‌ی په‌له‌بكرێت له‌ ته‌واوكردنی ئه‌و پڕ‌ۆژانه‌ی كه‌ یارمه‌تیده‌ر ده‌بن له‌ پاڵپشتیكردنی ئابووری و به‌هێزكردنی ژێرخانی وڵات.

سه‌رۆك كۆمار باسی له‌ سه‌ردانه‌كه‌ی كرد بۆ پارێزگای نه‌ینه‌واو ورده‌كاری روونكرده‌وه‌ له‌باره‌ی هه‌لومه‌رج و دۆخ و پێداویستییه‌كانی هاووڵاتیان و چڕ‌كردنه‌وه‌ی هه‌وڵه‌كان له‌پێناو كه‌مكردنه‌وه‌ی ئازار و نه‌هامه‌تی هاونیشتمانیان و دابینكردنی ژیانێكی شایسته‌ بۆیان.
PUKMEDIA

Riklam

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket