حكومەتی عیراق پشتیوانی هەڵمەتەكەی سەرۆك بافڵ-ە

حكومەتی عیراق پشتیوانی هەڵمەتەكەی سەرۆك بافڵ-ە

یەكێتی بە ستراتیژ بایەخ بە ژینگەی كوردستان دەدات پاراستنی ژینگە بە كاری لەپیشینەو داهاتووی خۆی دەزانێت، راگەیاندنی هەڵمەتی رواندنی یەك ملیۆن نەمام لەلایەن سەرۆك بافڵ-ەوە جێی بایەخی حكومەتی عیراقەو پشتیوانی ئەو هەڵمەتە دەكات.

هەرێم كەمال ئاغا سەرۆكی فراكسیۆنی یەكێتیی نیشتمانیی كوردستان لە ئەنجومەنی نوێنەرانی عیراق لە لیدوانێكیدا بە سایتی رەسمی یەكێتی PUKMEDIA ی راگەیاند: "هەڵمەتی رواندنی یەك ملیۆن نەمام كە لەلایەن سەرۆك بافڵ جەلال تاڵەبانی سەرۆكی یەكێتیی نیشتمانیی كوردستان راگەیەندراوە جێی بایەخی حكومەتی عیراقەو وەزیری ژینگە بەگرنگییەوە لەو هەڵمەتە دەڕوانێت".

دەشڵێت: "بەهۆی ئەوەی یەكێتی ئەندامی رێكخراوی سۆشیالیست ئینتەرناشناڵە، پاراستنی ژینگە بەكاری لەپێشینەی خۆی دەزانێت، لەئاستی جیهانیش پرسی ژینگە گرنگی زیاتری پێدەدرێت، بێگومان هەڵمەتەكەی سەرۆكی یەكێتیش لەو چوارچێوەیەدایە".

سەرۆك بافڵ جەلال تاڵەبانی لە یادی 47 ساڵەی دامەزراندنی یەكێتیی نیشتمانی كوردستاندا رایگەیاند: "سروشتی جوانی كوردستان و ژینگەمان لەیاد نەكردووە و دەمەوێت لێرەوە بۆ هەموولایەكی رابگەیەنم لە ئەمڕۆوە تاوەكو یادێكی تری دامەزراندنی یەكێتی، یەك ملیۆن نەمام لە ناوچە جیاجیاكانی كوردستان دەچێنین و سەوزكردنی كوردستانمان لە ئەستۆ دەگرین" .

PUKMEDIA