خەباتی ئاشتییانەی یەكێتی بۆ مافەكانی كوردە
کوردستان 11:54 AM - 2022-12-22خەباتی ئاشتییانەی یەكێتی بۆ مافەكانی كوردە
یەكێتیی نیشتمانیی كوردستان لەسەر رێبازەكەی سەرۆك مام جەلال خۆی بەخاوەنی پرسە نیشتمانییەكان دەزانێت و هەمووكات هەوڵی داوە پاڵپشتی سیاسی و سەربازی و مرۆیی پارچەكانی كوردستان بێت.
بافڵ جەلال تاڵەبانی سەرۆكی یەكێتیی نیشتمانیی كوردستان لەكۆبوونەوەی لەگەڵ هاوسەرۆكانی پارتی یەكێتی دیموكرات لە رۆژئاوای كوردستان دەڵێت: "یەكێتی پشتیوانی هەموو خەباتێكی مەدەنی و ئاشتیانە لەپێناو پاراستن و بەدیهێنانی مافەكانی گەلی كورددا دەكات و لەسەر ھەمان رێچكەی سەرۆك مام جەلال درێژە بە سیاسەتی كوردستانیانەی خۆمان دەدەین و ئامانجمان یەكڕیزی و تەبایی نێو ماڵی كوردە".
یەكێتی گفتوگۆی كردووەتە بنەمای كارەكانی
سالار سەرحەد لێپرسراوی بۆردی پەیوەندییە كوردستانییەكانی یەكێتیی نیشتمانیی كوردستان بە سایتی رەسمی یەكێتی PUKMEDIA ی راگەیاند: "لە رابردوودا یەكێتی بە رابەرایەتی سەرۆك مام جەلال هەمیشە گفتوگۆ و لێكتێگەیشتنی كردووەتە بنەمای كارەكانی لەسەر ئاستی ناوخۆی كوردستان و دەرەوە، دیارە سەرۆك بافڵ-یش لەسەر هەمان رێچكە بەردەوامە و مەكتەبی سیاسی و سەركردایەتی و كادرانی یەكێتیش لەسەر ئەو رێبازە بەردەوام دەبن بۆ ئەوەی بیكەینە پاشخانێكی بنەڕەتی بۆ گفتوگۆ لەگەڵ لایەنەكان".
یەكێتی خۆی بەخاوەنی پرسە نیشتمانییەكان دەزانێت
"یەكێتیی نیشتمانیی كوردستان خۆی بەخاوەنی پرسە نیشتمانییەكان دەزانێت و لەجەنگی تیرۆردا پاڵپشتی سیاسی و سەربازی و مرۆیی رۆژئاوا بووە، بۆیە دەستپێشخەری دەكات بۆ چارەسەركردنی دۆزی كورد بەڕێگای چارەسەری سیاسی و دیپلۆماسی و دیالۆگ، وەك چۆن پێشتر سەرۆك مام جەلال دەستی ئاشتی درێژكردووە و هەوڵیداوە بە دیالۆگ لەسەر ئاستی ناوخۆ و دەرەوە چارەسەری سەرجەم كێشەكانی كورد بكات، سەرۆك بافڵ-یش دەیەوێت بەهەمان میكانیزم كێشەكان چارەسەر بكات" لێپرسراوی بۆردی پەیوەندییە كوردستانییەكانی یەكێتیی نیشتمانیی كوردستان وادەڵێت.
یەكێتی دیالۆگ بەچارەسەر دەزانێت
سالار سەرحەد دەشڵێت: "یەكێتی بۆ چارەسەركردنی كێشەكان بژاردەی شەڕ رەتدەكاتەوەو لە بەرامبەردا دیالۆگ و لێكتێگەیشتن و گفتوگۆ بەچارەسەر دەزانێت، سەردانەكەی سەرۆكی یەكێتیی نیشتمانیی كوردستان بۆ رۆژئاوا لەو چوارچێوەیەدا، هاوكات كۆبوونەوەی باڵای لوتكە كە لەماوەی رابردوودا لە ماڵی مام لە هاوینەهەواری دوكان بەڕێوەچوو و بەئامانجی دیالۆگی نیشتمانی ئەنجامدرا".
سەردانەكەی سەرۆكی یەكێتی رەهەندێكی مێژوویی گرنگی هەیە
لێپرسراوی بۆردی پەیوەندییە كوردستانییەكانی یەكێتیی نیشتمانیی كوردستان رایگەیاند: "سەردانەكەی بافڵ جەلال تاڵەبانی سەرۆكی یەكێتی بۆ رۆژئاوای كوردستان جگە لە رەهەندی سیاسی و دیپلۆماتی رەهەندێكی مێژوویی گرنگیشی هەیە، چونكە ئامانج لێی دیالۆگ و لێكتێگەیشتنە".
یەكێتی پشتیوانی بۆ پارچەكانی كوردستان بەئەرك دەزانیت
یەكێتیی نیشتمانیی كوردستان بەردەوامە لەسەر رێباز و سیاسەتی سەرۆك مام جەلال و پشتیوانی پارچەكانی تری كوردستانیش بە ئەركی خۆی دەزانێت
لەتیف نێروەیی، ئەندامی سەركردایەتی یەكێتیی نیشتمانیی كوردستان، سەبارەت بە سەردانەكەی سەرۆك بافڵ جەلال تاڵەبانی، سەرۆكی یەكێتیی نیشتمانیی كوردستان بە PUKMEDIA ی راگەیاند: "سەردانەكەی سەرۆك بافڵ جەلال تاڵەبانی و كۆبوونەوە و دیداری لەگەڵ بەرپرسانی باڵای رۆژئاوای كوردستان، دەربڕینی پشتگیری و پشتیوانی یەكێتییە بۆ رۆژئاوای كوردستان و پارچەكانی تری كوردستان".
یەكێتی بە بەردەوام پشتگیری پارچەكانی تری كوردستانە
سەردانی بافڵ جەلال تاڵەبانی سەرۆكی یەكێتیی نیشتمانی كوردستان بۆ رۆژئاوای كوردستان رەهەندی سیاسی و دیپلۆماسی مێژوویی هەیە و پێمان دەڵێت خەباتی نەتەوەیی و پشتگیریكردن لە پارچەكانی تری كوردستان، هەرچەندە رێگایەكی سەخت بێت، خەباتی یەكێتی لەو رێگایەدا بەردەوامە.
لەتیف نێروەیی دەشڵێت: "ئەم سەردانە بۆ رۆژئاوا و بەتایبەت بۆ لای مەزڵوم كۆبانێ، فەرماندەی گشتی هێزەكانی سوریای دیموكرات (هەسەدە) و جەنەڕاڵ ماتیۆ مەكفارلان، فەرماندەی گشتی هێزەكانی هاوپەیمانان لە عیراق و سوریا، درێژەپێدەری ستراتیجی دوورودرێژەی یەكێتیی نیشتمانیی كوردستانە كە بە بەردەوامی پشتگیری پارچەكانی تری كوردستانی كردووە بۆ چارەسەركردنی كێشەكان بە شێوەیەكی ئاشتیانە."
ئارامی رۆژئاوای كوردستان بۆ یەكێتی و هەرێم گرنگە
"ئارامی و ئاسایش و سەقامگیری رۆژئاوای كوردستان، بۆ یەكێتیی نیشتمانیی كوردستان و هەرێمی كوردستان گرنگی و تایبەتمەندی خۆی هەیە، لە هەمانكاتیشدا لە نزیكەوە بینینی دۆخی ئەو ناوچەیە و بەشداری فەرماندە باڵاكانی هاوپەیمانان شانبەشانی سەرۆك بافڵ جەلال تاڵەبانی، بێگومان پەیامێكی گرنگە" نێروەیی وای وت.
ئەندامی سەركردایەتی یەكێتیی نیشتمانیی كوردستان دەشڵێت: "ئەم سەردانە سەردانێكی مێژووییە و لەهەمانكاتیشدا پێمان دەڵێت خەباتی نەتەوەیی و پشتگیریكردن لە پارچەكانی تری كوردستان، هەرچەندە رێگایەكی سەخت و مەترسیدار بێت، بەڵام خەباتی یەكێتیی نیشتمانیی كوردستان لەو رێگایەدا بەردەوامە و هەربەردەوامیش دەبێت".
یەكێتی لەقوربانیدان درێغی نەكردووە
پێگەی یەكێتی لەهەرێمی و عیراق و تەنانەت رۆژهەڵاتی ناوەڕاستیش پێگەیەكی گرنگەو وەك حزبێكی ئاشتی خواز لێی دەڕوانرێت.
رەمەزان كەریم چالاكوان و رۆژنامەنوسی رۆژئاوا رایگەیاند: "یەكێتی هەزگیز درێغی نەكردووە لەقوربانی دان بۆ بەشەكانی دیكەی كوردستان و لەسەر رێبازی سەرۆك مام جەلال بەردەوامیی بەپەیوەندیەكانی لەگەڵ رۆژئاوا دەدات".
"پێگەی یەكێتیی نیشتمانیی كوردستان یەكێكە لەپایە گرنگەكانی رۆژهەڵاتی ناوەڕاست و سەردانی سەرۆك بافڵ-یش بۆ رۆژئاوا دەبێتە هۆی بەرەوپێچوونی پرسی كورد لە سوریا" رەمەزان كەریم وای وت.
دەشڵێت:" سیاسەتی ئێستای یەكێتی سیاسەتێكی نیشتمانیییە و بۆ هەموو پارچەكانی كوردستانە، هەر ئەمەش وایكردووە كە بەحزبی ئاشتی لەهەرێمی كوردستان و عیراق بناسێرێت و ماڵی مام ببێتەوە كۆكەرەوەی دەنگە جیاوازەكان".
لە رۆژهەڵاتی ناوەڕاست مەسەلەی كورد وەك پێشتر نەماوەو گەلی كوردستانیش هۆشیاری سیاسی چۆتە ئاستێكی باڵاترەوە، بۆیە ئەم یەكڕیزیەی گەلەكەمان پێویستی بە تەكنیك و شێوازێكی تازە هەیە، لەوچوارچێوەیەشدا بافڵ جەلال تاڵەبانی هەوڵی رێكخستنەوەی ناو ماڵی كورد دەدات و بەردەوامە لەسەردان كۆبوونەوەكانی لەگەڵ لایەنە كوردستانییەكان لەدەرەوەو ناوەوەی هەرێمی كوردستان.
PUKMEDIA
هەواڵی زیاتر
-
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
05:26 PM - 2024-03-27 -
زهوی و مووچه دابهشدهكرێت
02:56 PM - 2024-03-27
ئەمانەش ببینە
کوردستان 12:56 PM - 2024-03-28 وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
10:17 PM - 2024-03-27
قوباد تاڵەبانی: هەوڵمان بۆ چارەسەری بودجە و مووچەی هەرێمە
07:01 PM - 2024-03-27
وتهبێژی كۆمسیۆن: كێشهی پهنجهمۆر لهههرێم ئاساییهو ستاندارده
02:22 PM - 2024-03-27
گۆڕانكارییەكانی مەكتەبی راگەیاندن و هۆشیاریی یەكێتی جێبەجێدەكرێن
01:06 PM - 2024-03-27
زۆرترین خوێنراو
-
یەکێتی و رەوتی حیکمە دوا پێشهاتەکان تاوتوێ دەکەن
ی ن ک 10:21 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
کوردستان 11:58 PM - 2024-03-27 -
یەکێتی و حزبی شیوعی چین تەئکید لەپتەوکردنی پەیوەندییەکانیان دەکەنەوە
کوردستان 10:17 PM - 2024-03-27 -
قوباد تاڵەبانی: هەوڵمان بۆ چارەسەری بودجە و مووچەی هەرێمە
کوردستان 07:01 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
کوردستان 05:26 PM - 2024-03-27 -
پرسەنامەی قوباد تاڵەبانی بۆ خانەوادەی رەسوڵ حەسەن مەحمود
پرسەنامە 05:09 PM - 2024-03-27 -
زهوی و مووچه دابهشدهكرێت
کوردستان 02:56 PM - 2024-03-27 -
وتهبێژی كۆمسیۆن: كێشهی پهنجهمۆر لهههرێم ئاساییهو ستاندارده
کوردستان 02:22 PM - 2024-03-27