نزیكه‌ى 17 ملیار دینار داهاتی ئه‌مڕ‌ۆی گه‌نجینه‌كانی سلێمانی بووه‌

شەفافییەت

داهاتی رۆژی 20/12ی گەنجینەكان 16ملیار و 713 ملیۆن و 114 هەزار و 366 دینار بووە كە نوێترین ئەپدەیتی سایتی شەفافیەتە بۆ چاودێری و رێكخستنی داهاتە نانەوتیەكانی سلێمانی و هەڵەبجە و هەردوو ئیدارەی راپەڕین و گەرمیان.

بەگوێرەی داتای نوێی سایتی شەفافیەت، زۆرترین داهات لە گەنجینەی 2 تۆماركراوە كە 14 ملیار دینارە و دوای ئەو گەنجینەی یەك 1 ملیاردینار بووە و لە گەنجینەی راپەڕین 493 ملیۆن و گەنجینەی چەمچەماڵ 7 ملیۆن دیناربووە و گەنجینەی هەڵەبجەش 14 ملیۆن دینار تۆماركراوە.

هەر بەگوێرەی زانیارییەكانی سایتی شەفافیەت كە 10 زۆرتین داهات دیاریكراوە، لەو بڕە 8 ملیار مبیعات عرضیە
و 6 ملیار داهاتی جۆراو جۆرە و 481 ملیۆن لە داهاتی هاوبەشە و 385 ملیۆنیش باجی گومرگی كەلوپەلە 344 ملیۆن دینار چه‌كه‌ و 180 ملیۆنیش رسوماتی ترە 152 ملیۆنیش سزادان بووە و 102 ملیۆنیش ئۆتۆمبێل و 92 ملیۆن دیناریش باجی خاوه‌ن كار و 74 ملیۆنیش تابلۆى ئه‌ڵمانی بووه‌.

سایتی شەفافیەت  ئۆپشنی  6 گەنجینە و 27 وەزارەت و 600 فەرمانگەی تێدا دیاریكراوە و رۆژانە زانیاری و داتاكان لەم رێگە دیجیتاڵیەوە بۆ هاووڵاتیان دەخرێتە روو تاوەكو شەفافیەتی داهات بۆ هەموان بێت.

ئەم پرۆژەیە یەكەمینجارە لەسەر ئاستی عیراق و هەرێمی كوردستان هەیە و لەلایەن قوباد تاڵەبانی جێگری سەرۆكوەزیرانەوە راگەیەندراوە وەك هەنگاوی یەكەم.

پێشتر سەرچاوەیەكی ئاگادار بە سایتی رەسمی یەكێتیی نیشتمانیی كوردستان PUKMEDIA ی راگەیاند: "رۆژانە و سەعات بەسەعات سەرجەم داهاتی گەنجینەكان لەرێی سایتی شەفافیەتەوە https://shafafiat.com/ تۆماردەكرێت و بڵاودەكرێتەوە".