riklam

بەرپرسی یونامی: ناکۆکی و کێشەکان بە گفتوگۆ چارەسەر بکرێن

جیهان 03:11 PM - 2022-12-15
سەعدی ئەحمەد پیرە و ریکاردۆ رودیگز

سەعدی ئەحمەد پیرە و ریکاردۆ رودیگز

پێش نیوەڕۆی ئەمڕۆ پێنچ شەممە ١٥/١٢/٢٠٢٢, هەڤاڵ سەعدی ئەحمەد پیرە لە بارەگای مەکتەبی سیاسی لە شاری هەولێر پێشوازیکرد لە ریکاردۆ رودیگز بەرپرسی یونامی لە هەرێمی کوردستان و وەفدێکی یاوەری. 

لە دیدارێکی نێوان هەردوولادا بارودۆخی سیاسی عیراق و هەرێمی کوردستان و ناوچەکە تاوتوێکرا .

یەکڕیزی لایەنە سیاسییە کوردییەکان زامنی سەرکەوتنە
سەعدی ئەحمەد پیرە لە دیدارەکەدا تەئکیدیکردەوە: "یەکێتی نیشتیمانی کوردستان پشتیوانی لە حکومەتێکی بەهێزی یەکگرتووی عیراق دەکات کە تیایدا ماف و شایستەکانی گەلی کورد پارێزراوبێت".
 وتیشی: "هەموو ئەو کێشە و گرفتانەی لە نێوان هەولێر و بەغدا هەن شیانی چارەسەرکردنن لەرێگەی گفتوگۆ و دیالۆگی نێوان هەردوولا، هاوکات یەکڕیزی و یەک هەڵوێستی هێز و لایەنە سیاسییە کوردییەکانی لە بەغدا بەزامنی سەرکەوتنی گفتوگۆکان وەسفکرد".
هەوڵەکان بەردەوامن بۆ کۆبوونەوەی نێوان لایەنەکان
هەر لەو دیدارەدا سەعدی ئەحمەد پیرە ئاماژەی بە بارودۆخی ناوخۆی هەرێمی کوردستان کرد و بەوەفدی میوانی راگەیاند: "هەوڵەکان بەردەوامن بۆ کۆبوونەوە و گفتوگۆی نێوان حزب و لایەنە سیاسییەکان بەتایبەتیش گفتوگۆی نێوان هەردوو مەکتەبی سیاسی یەکێتی نیشتیمانی کوردستان و پارتی دیموکراتی کوردستان، کە هەوڵی باش هەیە بۆ چارەسەری کێشەکان بەگفتوگۆ".
کێشەکان لەرێگەی گفتوگۆوە چارەسەر بکرێن

دواتر ریکاردۆ رودیگز بەرپرسی یونامی لە هەرێمی کوردستان، هیوایخواست هەموو ناوکۆکی و کێشە هەنووکەییەکان لەرێگای گفتوگۆوە چارەسەر بکرێن، وتیشی: "ئامادەی هەموو هەماهەنگی و پشتیوانییەکین بۆ سەرخستنی پرۆسەی گفتوگۆکان".

PUKMEDIA

Riklam

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket