riklam

سابوراوایی: بەڕ‌ێوەبردنی چەوتی هەرێم لە هەولێرە

کوردستان 07:13 PM - 2022-12-09
 سابوراوایی: بەڕ‌ێوەبردنی چەوتی هەرێم لە هەولێرە

سابوراوایی: بەڕ‌ێوەبردنی چەوتی هەرێم لە هەولێرە

ئەندامێكی سەركردایەتی یەكێتیی نیشتمانیی كوردستان رایدەگەیەنێت: "بەڕ‌وونی هەست بەجیاوازی بەڕ‌ێوەبردن لەنێوان رۆژهەڵات و رۆژئاوای دێگەڵە دەكرێت، ئەمەش ناڕەزاییەتییەكانی سنووری پارێزگای سلێمانی بەرامبەر بە بەڕێوەبردنی حكومڕانی چەوتی هەرێم زیاتر كردووە".

بێستون سابوراوایی ئەندامی سەركردایەتی یەكێتی لە لێدوانێكدا بۆ سایتی رەسمی یەكێتیی نیشتمانیی كوردستان PUKMEDIA رایگەیاند: "خەڵكی سلێمانی دەزانن یەك بەڕ‌ێوەبردن لەم هەرێمە بوونی هەیە و سەنتەری بڕ‌یاردان لەهەولێرە، بەراوردی نێوان رۆژهەڵات و رۆژئاوای دێگەڵە دەكەن و بەڕ‌وونی هەست بەجیاوازی بەڕ‌ێوەبردن دەكەن".

خەڵكی سلێمانی و دەوروبەری لە شێوازی بەڕ‌ێوەبردن لە سلێمانی ناڕ‌ازی نین، بەڵكو كاتێك ناڕ‌ەزایەتی دەردەبڕ‌ن و خۆپیشاندان دەكەن وەك ئەوە وایە ناڕ‌ەزایەتی لەهەولێر دەرببڕ‌ن، چونكە ئەوان لەوە رۆشنبیرترن و تێدەگەن كە بڕ‌یارەكان و  بەڕ‌ێوەبردنی چەوتی ئەم هەرێمە لەسلێمانی نییە و دامودەزگاكانی ئەو پارێزگایە بڕ‌یاردەر نین، بەڵكو جێبەجێكارن".

"هەر حزب و كەسێك گومڕ‌اكارانە مامەڵە لەگەڵ رووداو و بابەت و پێشهاتەكاندا بكات و بیەوێت سلێمانی بە ئیدارەیەكی جیاواز و بڕ‌یاردەر ناوببات، ئەوا خۆی هەڵدەخەڵەتێنێت، چونكە هەولێر سەنتەری بڕ‌یاردانە نەك سلێمانی" سابوراوایی وادەڵێت.

PUKMEDIA


ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket