راگەیاندنەکانی یەکێتی رۆڵێکی بەرپرسانە دەگێڕن

حەسەن بێگەڵاسی

نووسینی... حەسەن بێگەڵاسی
بەخۆشحاڵییەوە جوڵەو گۆڕانکارییەکی مۆدێرن و رادیکاڵ و پڕۆڤیشناڵ لە راگەیاندنەکانی یەکێتی نیشتیمانی کوردستان بەبینراو، بیستراو، نوسراو  رووی داوە، میدیاکارانی یەکێتی و راگەیاندنەکان رۆڵێکی بەرپرسانەو زانستانە و ژیاندۆستانە و مرۆڤدۆستانە و مەعریفی دەگێڕن لەسەرجەم جومگەو سێکتەرەکان، لەسۆنگەی هەستکردن بەبەرپرسیاریەتی و پاراستنی ئەمنی قەومی کۆمەڵگە، بۆ بەرجەستەکردن و  سەقامگیری و ئارامی و دابینکردنی ئاسایش و ئازادی رادەربڕین و رێزگرتن لە بیروڕا جیاوازەکان .
لەو دەلاقەیەوە یەکێتی وەکو حزبێکی نوێخواز و سۆسیال دیموکرات، هەمیشە دافع و پاڵنەری راستەقینەی میدیاکاران و رۆژنامەنووسان و ئەدیبان و هونەمەندانە، لەو کڵاوڕۆژنەوە یەکێتی بە ئەرکی سەرشانی خۆی دەزانێت پاراستن و بەرگریکردن لە میدیای و ئەخلاقیاتی دەنگی ئازاد و رۆژنامەنووسان، ئەمەش ئەو حەقیقەتە وێنا دەکات و  دەیسەلمێنێت کە یەکێتی شاسواری دیموکراسی و ئازادی وسەقامگیری و ئارامی و دابینکردنی ئاسایشە بۆ کۆمەڵگە .

ئەگەر هەڵوێستەیەک بکەین لەنێوان شارو شارۆچکەکان ئەو حەقیقەتە بەچاوی راستەقینەی خۆمان دەبینین، کە رۆژنامەنوسان و نوسەران و راگەیاندکاران لە زۆنی سەوز پارێزراوتر و ئازاترو دڵخۆشترن بە پیشەکەی خۆیان و کاری راگەیاندکاری، لەو سۆنگەیەوە هیچ لەمپەرو بەربەستێکیان بۆدروست نەکراوە، کە بوو بێتە رێگر لەبەردەم پیشەکەیان مەترسی لەسەر ژیانیان، لە ژێر فشارو کردەی تۆقاندن و توندووتیژی دەستبەرداری پیشەکانیان ببن .
 یەکێتی حزبێکی مۆدێرنە و بڕوای تەواوی بە ئازادی رادەربڕین و بیروڕای جیاواز هەیە، لەو دیدەوە یەکێتی بە ئەرکی سەرشانی خۆشی دەزانێت کە بەرگری لە شکۆ و کەرامەت و ئازادی یەکە بە یەکەی میدیاکاران و ڕۆژنامەنووس ئەدیبان بکات.

لەو دیدگایەوە یەکێتی لەگەڵ چینی رۆژنامەنووسان و میدیاکاران و نووسەران ئاوێتەی یەکترن، دوانەیەکن بەیەکەوە تەواوکەری یەکترن، بۆ ئازادی و  دیموکراسی و سەقامگیری، کە تیایدا نوسەران و رۆژنامەنووسان و هونەرمەندان هەموویان بێ جیاوازی بیروڕا لەژێر سێبەری ئازادی و ئارامی و سەقامگیری و دیموکراسی و دادپەروەریدا بحەسێنەوە .
بەدڵنیاییەوە ئەو حزبە مۆدێرنە هەر ئەوەی لێ چاوەڕوانکراوە و هەر ئەوەشی لێ چاوەڕوان دەکەین، کە خزمەتی زیاتری میدیا و میدیاکاران و رۆژنامەنووسان بکات، هەرئەمەشە وایکردووە کە یەکێتی و راگەیاندنەکانی بوونەتە  ئومێدی گەورەی یەکێتییەکان و کۆمەڵا‌نی خەڵکی کوردستان.