برادۆستی ده‌بێته‌ سه‌ركردایه‌تی یه‌كێتی

بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان و هه‌ڤاڵ فه‌یسه‌ڵ كه‌ریم خان مه‌حمود خه‌لیفه‌ برادۆستی

هه‌ڤاڵ فه‌یسه‌ڵ كه‌ریم خان برادۆستی ده‌بێته‌ ئه‌ندامی سه‌ركردایه‌تی یه‌كێتیی نیشتمانیی كوردستان .

به‌ بڕ‌یاری هه‌ڤاڵ بافڵ جه‌لال تاڵه‌بانی سه‌رۆكی یه‌كێتیی نیشتمانیی كوردستان، هه‌ڤاڵ فه‌یسه‌ڵ كه‌ریم خان مه‌حمود خه‌لیفه‌ برادۆستی ده‌بێته‌ ئه‌ندامی سه‌ركردایه‌تی یه‌كێتی.

سه‌رۆكی یه‌كێتیی نیشتمانيی كوردستان پاڵپشت به‌و ده‌سه‌ڵاته‌ی  په‌یڕه‌و پێیداوه‌ له‌ بڕ‌گه‌ی یه‌كه‌م له‌ ماده‌ی 62ی په‌یڕه‌وی ناوخۆ و دوای ته‌واوكردنی رێكاره‌ په‌یره‌ویه‌كان، بڕ‌یاره‌كه‌ی ده‌ركردووه‌.

به‌ گوێره‌ی بڕ‌یاره‌كه‌ی سه‌رۆكی یه‌كێتیی و بڕ‌یاری گشتاندنی مه‌كته‌بی سیاسیی/ كارگێڕ‌، كه‌ هه‌ردوو كۆپیيه‌كه‌ی بۆ سایتی ره‌سمی یه‌كێتیی نیشتمانيی كوردستان  PUKMEDIA نێردراون، بڕ‌یاره‌كه‌ له‌ 7/12/2022 ه‌وه‌ جێبه‌جێده‌كرێت، كه‌ دانانی هه‌ڤاڵ فه‌یسه‌ڵ كه‌ریم خان برادۆستيیه‌ به‌ ئه‌نجومه‌نی سه‌ركردایه‌تی.

بەپێی بڕ‌گەی یەك لە مادەی 62ی هەمواركراوی پەیڕەوی ناوخۆ سەرۆكی یەكێتیی نیشتمانیی كوردستان دەسەڵاتی هەیە كە سێ تا چوار كەسایەتی دیاری سیاسی بە ئەندامی ئەنجومەنی سەركردایەتی دابنێت و سەرۆك بافڵ ئەو دەسەڵاتەی بەكارهێناوە و فەیسەڵ كەریم خان برادۆستی وەك ئەندامی سەركردایەتی دەستنیشان كردووە.

PUKMEDIA