riklam

سەرۆك بافڵ: پشتیوانی ئەو سیاسەتە ناتەندروستە ناكەین كە حكومەت پەیڕەوی دەكات

جیهان 06:27 PM - 2022-12-07
بافڵ جەلال تاڵەبانی سەرۆكی یەكێتیی نیشتمانیی كوردستان و ماتسومۆتۆ فوتۆشی باڵیۆزی ژاپۆن لە عیراق

بافڵ جەلال تاڵەبانی سەرۆكی یەكێتیی نیشتمانیی كوردستان و ماتسومۆتۆ فوتۆشی باڵیۆزی ژاپۆن لە عیراق

بافڵ جەلال تاڵەبانی سەرۆكی یەكێتیی نیشتمانیی كوردستان رایدەگەیەنێت: " ئێمە ناتوانین پشتگیری ئەو سیاسەتە ناتەندروستە بكەین كە حكومەت پەیڕەوی دەكات، هەموو جومگەكان قۆرخكراون".
 ئەم وتەیەی سەرۆكی یەكێتیی نیشتمانی كوردستان لە میانی كۆبوونەوەیەكی دابوو لەگەڵ باڵیۆزی ژاپۆن لە عیراق، كە سەردانی سەرۆك بافڵی كردبوو لە دەباشان.


بافڵ جەلال تاڵەبانی سەرۆكی یەكێتیی نیشتمانیی كوردستان و ماتسومۆتۆ فوتۆشی، باڵیۆزی ژاپۆن لە عیراق لە دەباشان كۆبوونەوە.

لە دیدارێكدا گفتوگۆ لەبارەی گۆڕانكارییە سیاسییەكان كرا و جەخت لە بەرەوپێشچوونی پەیوەندییەكانی نێوان هەرێم و ژاپۆن كرایەوە بەجۆرێك كە لە خزمەت بەرژەوەندییە باڵاكانی نێوان هەردوولا بێت.

ژیانی خەڵك و نەبوونی حوكمڕانییەكی تەندروست لە هەرێم تەوەرێكی تری گفتوگۆكان بوو، سەرۆك بافڵ جەلال تاڵەبانی ئاماژەی بە هەڵوێستی  یەكێتی كرد و وتی: "ئێمە ناتوانین پشتگیری ئەو سیاسەتە ناتەندروستە بكەین كە حكومەت پەیڕەوی دەكات، هەموو جومگەكان قۆرخكراون و ژیانی خەڵكەكەمان لەبەردەم مەترسیی حكومەتێكدایە كە جیاكاری لەنێوان شارەكاندا دەكات. هەر بۆیە ئێمە و لایەنە سیاسییە هاوهەڵوێستەكانی تری هەرێم دژی دەوەستینەوە و لەوبارەیەوە بڕیاری پێویست دەدەین".

لە درێژەی دیدارەكەدا سەرۆك بافڵ ئاماژەی بەھەنگاوەكانی جێبەجێكردنی كارنامەی نوێی حكومەتی عیراق كرد و جەختی لە هەماهەنگی نێوان لایەنەكان كردەوە وەك فاكتەرێكی گرنگ بۆ سەرخستنی بەرنامەی چاكسازی و بەرقەراربوونی سەقامگیری لە وڵاتدا.

PUKMEDIA

Riklam

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket