riklam
}

تەقە لە ئاسایشی بازگەی سلێمانی کرا دوو ئاسایش و تۆمەتباریش بریندارن

کوردستان 08:34 PM - 2022-11-24
 تەقە لە ئاسایشی بازگەی سلێمانی کرا دوو ئاسایش و تۆمەتباریش بریندارن

تەقە لە ئاسایشی بازگەی سلێمانی کرا دوو ئاسایش و تۆمەتباریش بریندارن

دوو ئۆتۆمبێل خاڵی پشكنینی بازگەی سلێمانی دەبەزێنن و دوو كارمەندنی ئاسایش برینداردەكەن، دوواتر تۆمەتبارەكان بە برینداری دەستگیر دەكرێن، كە لە ئۆتۆمبێلی یەكێكیاندا 267 پارچەچەك و فیشەك و تەقەمەنی تێدا بووە.

بەڕێوەبەرایەتی ئاسایشی پارێزگای سلێمانی رایگەیاند: "ئێوارەی ئەمڕۆ پێنج شەممە 24-11-2022، لەكاتێكدا هێزەكانمان لە ئەركی رەسمی و راپەڕاندنی رێكارە یاسایی و ئەمنییەكانی خۆیاندا بوون  لە بازگەی سلێمانی، دوو ئۆتۆمبێل خاڵی پشكینن دەبەزێنن و ھەڵدێن و رووبەڕووی ھێزەكانمان دەبنەوەو دوو كارمەندنی ئاسایش برینداردەكەن، دوای گرتنەبەری رێكاری ئەمنی بەرامبەریان تۆمەتبار ( تەقەكەر ) بە برینداری دەستگیردەكرێت  و ئۆتۆمبێلەكەی ترشیان لەڕێڕەوی خۆی لادەدات و وەردەگەڕێت و تۆمەتباری دووەھەمیش دەستگیركرا" .

ئاسایشی پارێزگای سلێمانی راشیگەیاند: "دوای پشكنین دەركەوت لەناو ئۆتۆمبێلی یەكێك لە تۆمەتبارە ھەڵھاتووەكان بارێكی چەكی پێبووە ( 267 پارچەچەك ، فیشەك و تەقەمەنی )  و مەرامی بووە ھەڵبێت و لەدەرەوەی یاسا خۆی دەربازبكات".

"ئەم رووداوە رێڕەوی یاسایی خۆی وەرگرتووە و لێكۆڵینەوەی ورد لەو بارەیەوە دەستیپێكردووە، بەپێی زانیارییەكان دەركەوت تۆمەتباری لەیاسا ھەڵھاتوو كە بەبرینداری دەستگیركرا پێشتر داواكراوبووە لەلایەن دادگاوە" بەڕێوەبەرایەتی ئاسایشی پارێزگای سلێمانی وادەڵێت.

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket