riklam

ساڵڕۆژی دووەم سەرۆكایەتی مام جەلال لە عیراقدا

عیراق 11:43 AM - 2022-11-11
وێنەی سەرۆک مام جەلال پێشمەرگە و یەكەمین سەرۆكی هەڵبژێردراوی عیراق

وێنەی سەرۆک مام جەلال پێشمەرگە و یەكەمین سەرۆكی هەڵبژێردراوی عیراق

سەرۆك مام جەلال لە 6ی نیسانی 2005 دوای هەڵبژاردنی لەلایەن ئەنجومەنی نیشتمانی عیراقەوە  پۆستی سەرۆك كۆماری عیراقی پێدرا و  لە 11-11-2010 بەزۆرینەی دەنگ  جارێكی دیكە بۆ سەرۆك كۆمار بۆ خولی دووەم هەڵبژێردرايەوە.
بەوەش سەرۆك مام جەلال بووە یەكەم سیاسی كورد لەمێژووی عیراقدا كە پۆستی سەرۆكی وڵات لەئەستۆ بگرێت، یەكەم سەرۆك كۆماری هەڵبژێردراوە لەلایەن ئەنجومەنی نوێنەرانی عیراق لەمێژووی ئەو وڵاتەدا لەبیستەكانی سەدەی رابردوودا،  یەكەم سەرۆك كۆماری عیراقە كەلەژێر دەستوری نوێی عیراقدا هەڵبژێردرابێت.

سیاسەتی حەكیمانەی سەرۆك مام جەلال

لەسەردەمی سەرۆك كۆماری مام جەلال-دا بەهۆی سیاسەتی حەكیمانەی سەرۆك مام جەلالەوە ئاشتەوایی و برایەتی لەنێوان لایەنە سیاسیەكانی عیراقدا هەبوو، بەو هۆیەشەوە لەلایەن ئایەتوڵا سەید عەلی سیستانی مەرجەعیەتی باڵای شیعەكان نازناوی سەمامی ئەمانی پێبەخشرا.

مام توانای راگرتنی هاوسەنگی سیاسی نێوان لایەنەکانی هەبوو

لەدوای نەخۆشكەوتنی سەرۆك مام جەلالەوە عیراق بەدۆخێكی سیاسی زۆر نالەباردا تێپەڕی و چەندین كێشەی سیاسی و مەزهەبی رووی لەعیراق كردووە، بەشاهیدی گەورە سیاسەتمەدارانی جیهان و عیراق و كورد تەنها كەس توانای راگرتنی هاوسەنگی سیاسی لەنێوان لایەنە سیاسیەكان و توێژە جیاوازەكانی عیراق هەبووبێت تەنها سەرۆك مام جەلال بووە.

سەرۆك مام جەلال لە18ی كانوونی یەكەمی ساڵی 2012 لەبەغدا دۆخی تەندروستی ناجێگیربوو، دواتر لە 3ی 10-2017 سەرۆك مام جەلال لەنەخۆشخانەیەكی شاری بەرلینی ئەڵمانیا دڵە گەورەكەی لەلێدان كەوت.
PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket