سەرۆک کۆمار بە بۆنەی بەدەستهێنانی متمانەی ئەنجومەنی نوێنەران پیرۆزبایی لە سەرۆک وەزیر دەکات

سەرۆک کۆمار دکتۆر لەتیف جەمال رەشید و سەرۆک وەزیر محەمەد شیاع سودانی

سەرۆک کۆمار دکتۆر لەتیف جەمال رەشید بەبۆنەی بەدەستهێنانی متمانەی ئەنجومەنی نوێنەران و هەڵبژاردنی وەک سەرۆک وەزیر و دەنگدان بە وەزیرانی حکومەتەکەی، پیرۆزبایی لە محمد شیاع سودانی کرد.

دەقی پیرۆزباییەکە

بۆ برای بەڕێز، سەرۆک وەزیر محەمەد شیاع سودانی.
خۆم بە خۆشحاڵ دەزانم کە جوانترین و گەرمترین پیرۆزبایی ئاراستەی ئێوە و وەزیرەکان بکەم، بۆ بەدەستهێنانی ئەو متمانەیەی کە لەلایەن ئەنجومەنی نوێنەران بە ئێوە و بە حکومەتەکەتان بەخشرا.
بەم بۆنەیەوە هیوای سەرکەوتنتان بۆ دەخوازم لە بەجێگەیاندنی ئەرکەکانتان.
دڵنیام بە لێهاتووییەوە سەرکردایەتی ئەنجومەنی وەزیران دەکەن بۆ بەجێگەیاندنی ئەو بەرپرسیارێتی و ئەرکانەی کە وڵات و گەل چاوەڕێی دەکەن.
بەم بۆنەوە، دووپاتی دەکەمەوە لەسەر هاریکاری نێوان سەرۆکایەتی کۆمار و سەرۆکایەتی ئەنجومەنی وەزیران، هەروەها کارکردن و خستنەگەڕی هەوڵەکانمان بۆ ئەوەی خزمەت بە گەلەکەمان بکەین و ویست و داواکارییەکانیان بۆ ژیانێکی ئازاد و شکۆمەند کە عیراق شایەنیەتی و عیراقییەکان هیوایان بۆ دەخوازن بێتە دی.
خودا سەرکەوتوتان بکات
دکتۆر لەتیف جمال رشید
سەرۆک کۆمار