سەرۆككۆماری نوێی عیراق دەستبەكاربوو
عیراق 11:25 AM - 2022-10-17د. لەتیف رەشید وەك سەرۆككۆماری نوێی عیراق دەستبەكاربوو
د. لەتیف رەشید سەرۆككۆماری نوێی عیراق دەستبەكاربوو و لە وتەیەكیشیدا رایگەیاند، "پێویستە حكومەتی نوێی عیراق بەپەلە پێكبهێنرێت و هەموو هەوڵێكیش دەخەمەگەڕ بۆ نزیكبوونەوەی لایەنەكانی عیراق و هەوڵی چارەسەركردنی كێشەی نێوان هەرێم و بەغدا دەدەم".
پێشنیوەڕۆی ئەمڕۆ مەڕاسیمی پێشوازی و دەستبەكاربوون بۆ د. لەتیف رەشید سەرۆككۆماری نوێی عیراق لە كۆشكی سەلام بەڕێوەچوو كە بافڵ جەلال تاڵەبانی سەرۆكی یەكێتیی نیشتمانیی كوردستان و د. فوواد مەعسوم سەرۆككۆماری پێشووتری عیراق و توێنەری لایەنە سیاسییەكان و باڵیۆز و دیپلۆماتكاران ئامادەیبوون.
دوای رێوڕەسمی پڕۆتۆكۆڵی د. لەتیف رەشید سەرۆككۆماری عیراق وتارێكی پێشكەشكرد و رایگەیاند: "سوپاسی گەلی عیراق و لایەنە سیاسییەكان و مەرجەعیەت و هەموو ئەو كەسولایەنانە دەكەم كە هاوكاربوون لە سەركەوتنی ئەم پڕۆسەیە".
وتیشی: " پێویستە حكومەتی نوێی عیراق بەپەلە پێكبهێنرێت و چاومان لەسەر بەرژەوەندی گەلی عیراقە، هەموو هەوڵێك دەخەمەگەڕ بۆ نزیكبوونەوەی لایەنەكانی عیراق و هەوڵی چارەسەركردنی كێشەی نێوان هەرێم و بەغدا دەدەم".
وتیشی: "رێز لە شەهیدان و قوربانیانی گەلانی عیراق دەگرین و هیوای سەركەوتن بۆ هەموو لایەك دەخوازم".
دەقی وتارەكەی سەرۆككۆماری عیراق:
هیوای سەركەوتن بۆ هەمووان دەخوازم، سوپاسی ئەندامانی ئەنجومەنی نوێنەرانی عیراق دەكەم بۆ متمانەدانیان پێم بۆ ئەوەی بتوانم بەرپرسیارییەتیی و ئەركەكانم لە پۆستی سەرۆككۆمار ئەنجامبدەم، سوپاسی مەرجەعیەتی ژیر و دانای ئاینی و هەركەسێك دەكەم كە لەپێناو ئەو ئەركەدا رۆڵی بینیوە، هاوكات سوپاسی رۆڵی گەورەی ئەوكەس و لایەنانە دەكەم كە سەرپەرشتی پڕۆسەی هەڵبژاردنی سەرۆككۆماریان كردووە، سوپاسی هێزە ئەمنییەكان دەكەم كە رۆڵی گەورەیان لە پاراستنی ئەو ئیستحقاقە هەبووە، برایان، خوشكان، لەمڕۆوە دەستبە ئەنجامدانی ئەركەكانمام دەكەم، لەم ساتەوەختەدا قوربانیان و شەهیدان و بریندارانی هێزە ئەمنییەكان و ئێش و ئازار و خۆڕاگری كەسوكارەكانیانم بەبیردێتەوە، چاومان لەسەر بەرژەوەندی گەلانی عیراقە چونكە، چاوەڕوانی حكومەتێكی بەهێز و بەتوانا و لێهاتوو و یەكگرتوو دەكەن، بۆ ئەوەی خواستی هاووڵاتیان لە ئاسایش و قوتابخانە و نەخۆشخانە و سەقامگیری و رێگاوبان و پاراستنی سامانی ئاوی و سامانە سروشتییەكان بەدیبهێنێت، هەموو هەوڵێك دەدەم بۆ نزیككردنەوەی لایەنە سیاسییەكان و سەرپەرشتیكردنی دیالۆگ و وتووێژی نێوانیان بۆ ئەنجامدانی ئەركەكانم و سەربۆخۆیی عیراق، هەموو كۆششێك دەكەم بۆ بەشداریكردن لە چارەسەركردنی كێشەكانی نێوان هەرێم و بەغدا لەژێر چەتری دەستووردا و هەوڵی دروستكردنی پەوەندییەكی پتەو دەدەم لەنێوان گەلانی عیراق و وڵاتانی دراوسێ و كۆمەڵگەی نوێودەوڵەتی، لەپێناو بەرژەوەندی هاوبەش.
PUKMEDIA
هەواڵی زیاتر
-
وتهبێژی كۆمسیۆن: بنكهی دهنگدان بۆ زیندانیان و نهخۆشان دهكهینهوه
01:36 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24
ئەمانەش ببینە
کوردستان 10:33 AM - 2024-04-25 راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
کوردستان 05:13 PM - 2024-04-24 -
سوپاسنامەیەک لە بنەماڵەی عەلی شامار و وەسفیە بەنی وەیس-ەوە
ی ن ک 05:11 PM - 2024-04-24 -
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24