فراكسیۆنی یەكێتی لە نوێنەران: د. بەرهەم كاندیدی رەسمی یەكێتیە بۆ پۆستی سەرۆك كۆمار

سۆزان مەنسور وتەبێژی فراکسیۆنی یەکێتیی نیشتمانیی کوردستان لە ئەنجومنەی نوێنەرانی عیراق

فراكسیۆنی یەكێتیی نیشتمانی كوردستان لە ئەنجومەنی نوێنەرانی عیراق بەیاننامەیەكی بڵاوكردەوە و رایگەیاند كە جەخت لەسەر روونكردنەوەكەی وتەبێژی مەكتەبی سیاسی یەكێتی دەكەنەوە كە تێیدا رایگەیاند:" د. بەرهەم ساڵح كاندیدی رەسمی یەكێتییە بۆ پۆستی سەرۆك كۆمار".

ئەمەی خوارەوە دەقی بەیاننامەكەیە:

بەیاننامەیەك لە فراكسیۆنی یەكێتیی نیشتمانیی كوردستانەوە
فراكسیۆنی یەكێتیی نیشتمانیی كوردستان جەخت لەناوەڕۆكی روونكردنەوەكەی وتەبێژی رەسمی یەكێتیی نیشتمانیی كوردستان دەكاتەوە و بۆ رایگشتی و سەرجەم فراكسیۆن پەرلەمانییەكان و ئەندامانی ئەنجومەنی نوێنەرانی عیراق ئاشكرای دەكات، كە كاندیدی رەسمی یەكێتیی نیشتمانیی  كوردستان بۆ پۆستی سەرۆك كۆماربەرێز دكتۆر بەرهەم ئەحمەد صاڵح-ە.
بۆیە لەپێناو پاراستنی دەستوور و پارێزگاری لەسەروەری و شكۆی دەوڵەتی عیراق، داوای پشتگیریی و بەخشینی متمانەتان بۆ كاندیدەكەمان دەكەین.

سۆزان مەنسور وتەبێژی فراکسیۆنی یەکێتیی نیشتمانیی کوردستان لە ئەنجومنەی نوێنەرانی عیراق