سەدر: پەرلەمان هەڵبوەشێتەوە و هەڵبژاردن بكرێتەوە

ڕێبەری رەوتی سەدر ڕایدەگەیەنێت چاكسازی قوربانی دەوێت و ئامادەيه لە پێناو چاكسازی شەهید بێت.

موقتەدا سەدر ڕێبەری ڕەوتی سەدر لە پەیامێكدا ڕایگەیاند: ئەوەی لە ئێستا لە عیراق ڕوودەدات شەڕ نییە لە سەر دەسەڵات و گەلی عیراق قسەی خۆی كردووە و گفتوگۆ سوودی نییە.

وتیشی: ئەو خوازیاری دەسەڵات نییە و هەر كەسێك خوازیاری دەسەڵات بێت 73 پەرلەمانتار لە پەرلەمان ناكێشێتەوە.

ڕێبەری ڕەوتی سەدر ڕاشیگەیاند: گەلی عیراق لە چینی حوكمران بێزار بوون و داوای لە گەلی عیراق بچنە پاڵ خۆپیشاندەران و خۆپیشاندانەكانیش تا جێبەجێكردنی داواكارییەكان بەردەوام دەبێت.

سەدر داوای كرد كە پەرلەمان هەڵبوەشتێتەوە و هەڵبژاردن بكرێتەوە و ئاماژەی بەوەشدا بە هیچ شێوەیەك ڕازی نییە خوێنی كەس بڕژێت.  
PUKmedia تایبەت