ئێران هەڵوێستی خۆی لەبارەی ڕووداوەكانی بەغدا دەربڕی

وتەبێژی وەزارەتی دەرەوەی ئێران ڕایدەگەیەنێت: وڵاتەكەی بە وردی و هەستیارییەوە بەدواداچوون بۆ ڕووداوەكانی عیراق دەكات و باشترین ڕێگەچارە بۆ كێشەكانی عیراق، گفتوگۆیە.

ناسر كەنعانی لە كۆنفرانسێكی ڕۆژنامەوانیدا سەبارەت بە ڕووداوەكانی چەند ڕۆژی ڕابردووی بەغدا ڕایگەیاند: عیراق دراوسێیەكی گرنگ و گەورەی ئێمە و بەشێوەیەكی سروشتی بەدواداچوونێكی ورد و هەستیارانە بۆ پێشهاتەكانی عیراق دەكەین و تاران هەمیشە پێداگری لە سەقامگیری و ئاسایشی عیراق دەكاتەوە. 

 كەنعانی وتیشی: ئاسایشی عیراق، ئاسایشی ئێران و ناوچەكەیە و ئێران هەمیشە ڕێزی لە هەڵبژاردنی گەلی عیراق گرتووە و دەگرێت و پێمان وایە گفتوگۆ باشترین ڕێگەچارەیە بۆ كێشەكانی عیراق.

PUKmedia ئاژانسەكانی ئێران