riklam
}

رێژەی گەشتیاران لە ئامێدی بەرزدەبێتەوە

هەمەڕەنگ 10:25 AM - 2022-08-01

بەرپرسێ راگەهاندنا گەشتوگوزارا قەزا ئامێدیێ رادگەهینیت كو بەردەوامیا بوردومانێن فروكەو توبخانێن سوپایێ توركیا ل دەڤەرێ كاریگەری لسەر كەرتێ كەشتوگوزارێ نەكریە.

حكمەت عابد بەرپرسێ راگەهاندنا گەشتوگوزارا قەزا ئامێدیێ ب  PUKmedia راگەهاند: ژبەركو دەڤەر ب گشتی یا پرە ژ جهێن سەرنج راكێش یێن گەشتیاری و گەلەگ بناڤو دەنگ ب رەنگەكێ سالانە رێژەیەكا زور یا كەشتیاران سەرەدانا جهێن گەشتیاری دكەن و بوردومانێن سوپایێ توركیا كاریگەری لسەر كەرتێ كەشتوگوزارێ نەكریە.

زەلالكر كو دماوەیێ نێزیكی هەیڤەكێ دا زێدەتر ژ 130 هزار كەشتیار هاتینە سنورێ ڤێ قەزایێ و ل جهێن گەشتیاری ماینەڤە.

بەرپرسێ راگەهاندنا گەشتوگوزارا قەزا ئامێدیێ ئاشكرا كر كو 70 جهێن گەشتیاری ل وێ قەزایێ هەنە ژ وان ژی یێن سەرنجا گەلەگ گەشتیاران بخوە رادكێشن هاڤینگەهێن كومەلگەھا ئاڤا شین گەلیێ شێرانە و سیلاڤ و ڤین و بیاوێ و شكەڤتا ئێنیشكێ و هاڤینگەها ئاشەوا و گەلەكێن دی كو دكەفنە سەر ب قەزا ئامێدیێ ڤە كو روژانە ب سەدان گەشتیار ب بەردەوامی سەرەدانێ بو دكەن و ئەم ژی وەكو گەشتوگوزارا ئامێدیێ بەردەوام چاڤدێریێ دكەن ژبوی هندێ هیچ كێم و كاسیەك دكەرتێ گەشتیاری دا نەبیت.

لدور هاتنا وان گەشتیاران حكمت عابد ئاشكەراكر پتریا وان ل ناڤەراست و ژێریا عیراقێ دهێن ئەڤەژی ژبو ڤەشاندنا كەرتێ گەشتیاری ل دەڤەرێ گەلەك باشە چونكە ب سەدان گەنج ژی دەلیڤەیێن كاری بو هاتینە دیتن.

سەبارەت داخستنا جهێن گەشتیاری ژبەر بوردومانان ناڤبری رونكر كو هیچ جهەكێ گەشتیاری نەهاتیە داخستن بەروڤاژی بەلكو ڤان جەند روژێن بوری دوو جهێن دیێن گەشتیاری وەكو هاڤینگەه هاتینە ڤەكرن.

PUKmedia ئانادیدار

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket