هەوڵەکانی کردنەوەی مەرزی کێلێ بەشێوەیەکی فەرمی چڕدەکرێنەوە

وەفدێکی فڕاکسیۆنی یەکێتی کە پێکهاتبوون لە م. غەریب ئەحمەد نوێنەری دەڤەری ڕاپەرین وقەزای دوکان و ئیمان ئامێدی و رۆنزی زیاد سەردانی دەستەی گشتی  دەروازە سنووریەکانی حکومەتی فیدرال لەشاری بەغدا کرد ولە لایەن سەڕۆکی دەستەکەوە  پێشوازی کران 
 غەریب ئەحمەد ڕایگەیاند  ، ئامانجی سەردانەکە بەدواداچوون کردن و تەواو کردنی ڕێکاکارەکانی کردنەوەی مەرزی کێلێ لە دەڤەری ڕاپەرین  بەشێوەیەکی فەرمی بوو. 
هەر بەپێی وتەکانی غەریب ئەحمەد ، لە ئێستادا زۆربەی رێکارەکان تەواوکراون و پرسی مەرزی کێلێ قۆناغێکی باشی بڕیوە و ئەوانەی ماوەن چاوەرێ دەکەین پێش پێکهێنانی کابینەی نوێ تەواویان بکەین.
 ئەوەشی ڕوونکردەوە  : بریارە لەم نزیکانە شاندێکی دەستەکە سەردانی دەڤەرەکە بکەن بۆ ئەوەی دەروازەکە بەفەرمی بکرێتەوە.

PUKmedia