هه‌ولێر.. 19 به‌نزینخانه‌ سزا ده‌درێن

به‌هۆی فرۆشتنی به‌نزینی خراپ و ده‌ستكاریكردنی كوالیتییه‌كه‌ی (19) به‌نزینخانه‌ی تر سزادران.
 
به‌هۆی خراپی ئه‌و به‌نزینه‌ی ده‌یفرۆشن به‌هاووڵاتیان و له‌به‌رامبه‌ر ده‌ستكاریكردنی كوالیتی به‌نزین، (19) به‌نزینخانه‌ی تر له‌هه‌ولێر و ده‌وروبه‌ری له‌لایه‌ن لیژنه‌ی پشكنین و چاودێریكردنی به‌نزینخانه‌كانی سه‌ر به‌ به‌ڕێوه‌به‌رایه‌تی نه‌وت و كانزاكانی هه‌ولێر سزادراون و ڕێكاری یاسایی له‌به‌رامبه‌ر خاوه‌نه‌كانیان گیراوه‌ته‌به‌ر، له‌سه‌ره‌تای مانگی (6)ی ئه‌مساڵ تاكو ئه‌مڕۆ كۆی گشتیی ئه‌و به‌نزینخانه‌ی سزادراون (170) به‌نزینخانه‌ن، له‌و ژماره‌یه‌شدا (4) به‌نزینخانه‌ به‌هۆی دووباره‌كردنه‌وه‌ی سه‌رپێچی و ده‌ستكاریكردنی كوالیتیی و فرۆشتنی به‌نزینی خراپ به‌هاوڵاتییان، ناوه‌كانیان بڵاو ده‌كه‌ینه‌وه‌.                     
ناوی به‌نزینخانه‌كان:
یه‌كه‌م/ وێستگه‌ی ئارام محه‌مه‌د
دووه‌م/ وێستگه‌ی ژیلوان
سێیه‌م/ وێستگه‌ی جێگر
چواره‌م/ وێستگه‌ی زێڕ

پارێزگای هه‌ولێر رایگه‌یاندوه‌، دڵنییای هاووڵاتییان و هاوشاریانی خۆشه‌ویستی شاره‌كه‌مان ده‌كه‌ینه‌وه‌، تیمه‌كانی لیژنه‌ی پشكنین و چاودێریكردنی به‌نزینخانه‌كان به‌رده‌وامن له‌گرتنه‌ به‌ری ڕێكاری یاسایی پێویست به‌رامبه‌ر هه‌ر كه‌س و خاوه‌ن به‌نزینخانانه‌یه‌ك كه‌ به‌نزینی خراپ بفرۆشێته‌ هاوڵاتییان و ده‌ستكاری كوالێتی به‌نزین بكات، داواش له‌هاووڵاتیان ده‌كه‌ین له‌كاتی تێبینیكردنی هه‌ر جۆره‌ سه‌رپێچیه‌ك، له‌زووترین كات ئاگاداری قائیمقامیه‌تی ناوه‌ندی هه‌ولێر بكه‌نه‌وه‌. 

PUKmedia ڕاگه‌یاندنی پارێزگای هه‌ولێر