سامانه‌سروشتییه‌كان له‌دژی هێرشه‌كه‌ی كۆرمۆر هاته‌ده‌نگ

دوای ئه‌وه‌ی ئێواره‌ی ڕۆژی دووشه‌ممه‌ ٢٠٢٢/٧/٢٥ هێرشكرایه‌ سه‌ر كێڵگه‌ی كۆرمۆر، وه‌زاره‌تی سامانه‌ سرووشتییه‌كان رایده‌گه‌یه‌نێت هێرشه‌كه‌ هیچ زیانی گیانی نه‌بووه‌و كاریگه‌ریشی له‌سه‌ر پڕۆسه‌ی به‌رهه‌مهێنانی گازی سرووشتی نه‌بووه‌. 

وه‌زاره‌تی سامانه‌ سرووشتییه‌كان به‌ توندی ئه‌و هێرشانه‌ سه‌ركۆنه‌ ده‌كات و ڕایده‌گه‌یه‌نێت "چه‌ندین جاره‌ ژێرخانی مه‌ده‌نیی هه‌رێمی كوردستان ده‌كرێته‌ ئامانجی هێرشی مووشه‌كیی گرووپه‌ چه‌كداره‌ له‌ یاسا ده‌رچووه‌كان.

"كێڵگه‌ نه‌وتییه‌كانی هه‌رێمی كوردستان سامانی خه‌ڵكی هه‌رێمی كوردستانن، هه‌ر جۆره‌ هێرشێك بۆ سه‌ر دامه‌زراو و ژێرخانه‌ ئابوورییه‌كانی هه‌رێمی كوردستان، به‌ئامانجگرتنی ڕاسته‌وخۆی خه‌ڵكی كوردستانه‌ و به‌ هیچ شێوه‌یه‌ك قابیلی قبووڵ نییه‌ و به‌رپرسیارێتیی ئه‌م هێرشانه‌ش له‌ ئه‌ستۆی ئه‌و لایه‌نانه‌یه‌ كه‌ له‌ ناوچه‌كانی ژێر ده‌سه‌ڵاتیان سامانی گه‌لی كوردستان ده‌كرێته‌ ئامانج.

PUKmedia وه‌زاره‌تی سامانه‌سروشتییه‌كان