گۆڕانكاری لەپڕۆژە گەشتیارییەكانی دوكاندا دەكرێت

گۆڕانكاری لە تابلۆو شوێنی وەستانی ئۆتۆمبێل لە پڕۆژە گەشتیارییەكانی دوكاندا دەكرێت.
لەوبارەیەوە سیروان سەرحەد قائیمقامی قەزای دوكان بە PUKmediaی راگەیاند: دەبێت خاوەن پڕۆژەكان گۆڕانكاری لە پڕۆژە گەشتیارییەكانیاندا بكەن و هەماهەنگی زیاتری هێزە ئەمنییەكان و لایەنە خزمەتگوزارییەكان بن.
وتیشی: وەك لایەنی پەیوەندیدار لەگەڵ بەڕێوەبەری بەشی پۆلیس و سەرۆكی شارەوانی و بەڕێوەبەری گشتوگوزار لەگەڵ بەشێك لە خاوەن كەپرو پڕۆژە گەشتیارییەكانی قەشقۆڵی لەناوچەی گەشتیاری دوكان كۆبووینەوە. 
باسی لەوەشكرد كە لە كۆبوونەوەكەدا چەند راسپاردەیەكی نوێ درایە خاوەن پڕۆژەكان، لەوانە ئەنجامدانی گۆڕانكاری لەتابلۆی پڕۆژەكانیان و گۆڕانكاری لە شوێنی وەستانی ئۆتۆمبێل بەشێوەیەك لەگەڵ سیمای گەشتیاری ناوچەكە بگونجێت.
ئەوەشی خستەڕوو: بەخاوەن پرۆژەكان راگەیەنرا زیاتر پابەندی ئەو رێنماییانەبن كە لە پێشترو ئێستادا پێیان دەدرێت لەپێناو سەلامەتی گەشتیاران و رەخساندنی كەشێكی گەشتیاری بۆیان.
باسی لەوەكرد: دەبێت رێنماییەكانی وەزارەتی ناوخۆ جێی بەجێبكرێت  
بڕیاریشە ئەم هەنگاوانە لە چەند رۆژی داهاتوودا بكەونە بواری جێبەجێكردنەوەو بەردەوامیشیان دەبێت لەسەر پڕۆژە گەشتیارییەكانی تر لە قەزاكەدا.
PUKmedia بێستون شارەستێنی